“સેના અને સૈનિકો મોદીના ચરણોમાં નતમસ્તક ” ભાજપના વધુ એક નેતાનો બફાટ : વિપક્ષને મળી ગયો મુદ્દો, જુઓ વિડીયો
ઓપરેશન સિંદુરના મુદ્દે નેતાઓનો બફાટ ચાલુ જ છે..મધ્યપ્રદેશના મંત્રી વિજય શાહ બાદ હવે પ્રદેશ સરકારના ઉપમુખ્યમંત્રી જગદીશ દેવડાએ ભારતીય સેના પર આપત્તિજનક ટિપ્પણી કરી છે. જબલપુરમાં સિવિલ ડિફેન્સ વોલન્ટિયર્સના તાલીમ કાર્યક્રમમાં ડેપ્યુટી સીએમ દેવડાએ કહ્યું કે આખો દેશ, દેશની સેના અને સૈનિકો પીએમ મોદીના ચરણોમાં નતમસ્તક છે. દેવડાના આ નિવેદન પર રાજકીય હોબાળો મચી ગયો છે. વિપક્ષે દેવડા પર સેનાનું અપમાન કરવાનો આરોપ લગાવ્યો છે.
કાર્યક્રમને સંબોધિત કરતાં ડેપ્યુટી સીએમ પહેલગામ આતંકી હુમલાનો બદલો લેવા માટે વડાપ્રધાન મોદીની પ્રશંસા કરી રહ્યા હતા. આ દરમિયાન તેમણે કહ્યું કે પાકિસ્તાનમાં આતંકવાદીઓને ખતમ કરવા માટે માત્ર દેશ જ નહીં પરંતુ દેશની આખી સેના પણ વડાપ્રધાન મોદીના ચરણોમાં નતમસ્તક છે. દેવડાએ કહ્યું કે આ માટે વડાપ્રધાનની જેટલી પ્રશંસા કરવામાં આવે તેટલી ઓછી છે.
भाजपाइयों में होड़ मची है, देश की सेना के अपमान की!
— MP Congress (@INCMP) May 16, 2025
मध्य प्रदेश के उप मुख्यमंत्री जगदीश देवड़ा मोदी के चरणों में सेना को नतमस्तक बता रहे हैं!
मोदी की चरण वंदना में भारतीय सेना का यह अपमान असहनीय है। भाजपा को अपने बदजुबान मंत्रियों को तुरंत बर्खास्त करना चाहिए! pic.twitter.com/UMCY3Rs03n
જગદીશ દેવડાએ વિવાદ વધતાં પોતાના નિવેદન પર સ્પષ્ટતા આપી હતી. તેમણે કહ્યું કે ઓપરેશન સિંદૂરને લઈને મેં એવું કહ્યું હતું કે દેશની સેનાએ જે કામ કર્યું છે, તેની જેટલી સરાહના કરવામાં આવે તેટલી ઓછી છે. દેશની સેના માટે, દેશની જનતા તેમના ચરણોમાં નતમસ્તક છે. તેમનું પૂરેપૂરું સન્માન કરે છે. હંમેશા દેશની સેનાએ દેશની રક્ષા માટે કામ કર્યું છે. મેં જે કહ્યું છે તેને ખોટી રીતે રજૂ કરવામાં આવી રહ્યું છે.
