હું મંદિરે જતાં પેસેન્જ પાસેથી પૈસા લેતો નથી…રાજકોટમાં રિક્ષાનું ભાડું જતુ કરી મહિલાને ફસાવ્યા બાદ યુવકે ગુજાર્યું દુષ્કર્મ
રાજકોટના આજી ડેમ પોલીસ મથક વિસ્તારમાં આવેલા રણુજા મંદિરની પાછળ રહેતી 45 વર્ષીય મહિલાને ફસાવી રિક્ષાચાલકે દુષ્કર્મ ગુજાર્યાની ફરિયાદ નોંધાતાં ચકચાર મચી જવા પામી હતી.
આ અંગે ફરિયાદીએ જણાવ્યું કે ચાર વર્ષ પહેલાં તેઓ મંદિરે દર્શન કરવા જવાનું હોવાથી રિક્ષાની રાહ જોઈને ઉભા હતા. આ સમયે કોઠારિયા મેઈન રોડ પર દેવપરા, સિંદૂરિયા ખાણ વિસ્તારમાં રહેતો જુબેર કાસમભાઈ કુરેશી ત્યાંથી પસાર થઈ રહ્યો હોય રિક્ષા ઉભી રાખી હતી. આ પછી ફરિયાદી જુબેરની રિક્ષામાં બેસી ગયા હતા. મંદિરે પહોંચ્યા બાદ ફરિયાદીએ જુબેરને રિક્ષાનું ભાડું પૂછતાં તેણે એવું કહ્યું હતું કે હું મંદિરે જતાં પેસેન્જ પાસેથી પૈસા લેતો નથી.
આ પછી બન્નેએ એકબીજાના નંબરની આપ-લે કરી હતી કેમ કે મહિલાને દરરોજ મંદિરે જવાનું હતું. જો કે એક દિવસ જુબેર કાસમભાઈ કુરેશી મહિલાના ઘેર ધસી આવ્યો હતો અને ધરાર શરીરસંબંધ બાંધી વીડિયો અને ફોટા પાડી લીધા હતા. આ પછી ચાર વર્ષ સુધી તેણે વારંવાર ફરિયાદીના ઘેર ધસી આવી ધરાર શરીરસંબંધ બાંધ્યો હતો. આટલુ ઓછું હોય તેમ જુબેરે ફરિયાદીને મહિલાને તેનો ભાઈ હત્યાના કેસમાં જેલમાં જ છે તેવી ધમકી પણ આપી હતી સાથે સાથે ફરિયાદી ફોન ઉપર વાતચીત કરવાનો ઈનકાર કરે તો પણ જુબેર મારકૂટ કરી રહ્યો હતો.
આખરે ફરિયાદીએ હિન્દુ સંગઠનની મદદ લઈને પોલીસ કમિશનરને ફરિયાદ કરતાં તેમણે તાત્કાલિક આજી ડેમ પોલીસ મથકમાં ગુનો દાખલ કરાવ્યો હતો.
