બહરાઇચમાં ભારેલો અગ્નિ ચારેકોર આગજની, તોડફોડ

ઉત્તર પ્રદેશના ગામમાં મૂર્તિ વિસર્જનમાં યુવકની હત્યા બાદ સ્થિતિ વણસી

હોસ્પિટલ, દુકાનો અને મકાનો આગના હવાલે: હિંસક વિરોધ પ્રદર્શન: સલમાન નામના મુખ્ય આરોપી સહિત ૩૦ની ધરપકડ: નેટ બંધ: સશસ્ત્ર પોલીસના ધાડા ઉતર્યા: હજારો લોકો લાકડીઓ સાથે સડકો પર ઉતર્યા: એન્કાઉન્ટરની માગણી

ઉત્તર પ્રદેશના બહરાઈચ જિલ્લાના રેહુઆ મન્સૂર ગામના રહેવાસી યુવકની મહારાજગંજમાં દુર્ગા મૂર્તિ વિસર્જનની શોભાયાત્રા દરમિયાન ગોળી મારીને હત્યા કરવામાં આવી હતી. સોમવારે આ ઘટના અંગે લોકોએ ભારે ઉગ્ર પ્રતિભાવ આપીને બહરાઇચમાં ચારેકોર તોડફોડક, આગજની કરી હતી. પોલીસ અને સશસ્ત્ર જવાનોના ધાડા ઉતરી પડ્યા હતા. ભારે હિસક દેખાવો વચ્ચે મકાનો અને દુકાનો તથા શૉરૂમને આગ ચાંપી દેવાઈ હતી. તોડફોડ મચાવાઈ હતી. લોકો લાકડીઓ લઈને રસ્તા પર ઉતર્યા હતા. ભારે સ્ફોટક સ્થિતિ સર્જાઇ હતી. સલમાન નામના મુખ્ય આરોપી સામે કેસ દાખલ કરાયો હતો. બીજા મુસ્લિમ યુવકોને પણ પકડી લેવાયા હતા. જો કે પોલીસ અને મંત્રીઓની સમજાવટ બાદ પરિવારે લાશ સ્વીકારી લીધી હતી અને ગામમાં પહોંચી ગયા હતા. પાછળ બહેરાઈચ સળગી ઉઠ્યું હતું. પોલીસે ૧૦ સામે કેસ દાખલ કર્યો છે અને ૩૦ લોકોની ધરપકડ કરી હતી. એડીજી અમિતાભ યશ ખુલ્લી પિસ્તોલ સાથે સડકો પર ઉતરી પડતાં તોફાનીઓ નાસી ગયા હતા. મોબાઈલ નેટ સેવા બંધ કરી દેવાઈ હતી.

એન્કાઉન્ટરની માગણી
ઉલ્લેખનીય છે કે રવિવારે મૂર્તિ વિસર્જન દરમિયાન બે સમુદાયો વચ્ચે વિવાદ શરૂ થયો હતો. આરોપ છે કે આ દરમિયાન અન્ય સમુદાયના લોકોએ પથ્થરમારો અને ગોળીબાર કર્યો હતો જેમાં રેહુવાના રહેવાસી રામ ગોપાલ મિશ્રા (૨૨)નું મોત થયું હતું. પોસ્ટમોર્ટમ બાદ વહેલી સવારે યુવકનો મૃતદેહ ઘરે પહોંચ્યો ત્યારે ગામના લોકોમાં રોષ ફેલાયો હતો. ગ્રામજનો ગુનેગારોના ઘરો પર હુમલો કરવા અને એન્કાઉન્ટર કરવા માટે બુલડોઝરની માંગ કરી રહ્યા હતા. આ સમય દરમિયાન, ગ્રામજનોએ તહસીલદારને ગામમાંથી ભગાડી દીધા હતા. જોકે ગામમાં ભારે સુરક્ષા દળો તૈનાત છે.

હોસ્પિટલ પણ સળગાવી
બહરાઈચમાં સોમવારે સવારે ફરી એકવાર આગચંપી અને તોડફોડ શરૂ થઈ ગઈ. આ દરમિયાન અનેક દુકાનો અને મકાનોમાં તોડફોડ કરવામાં આવી હતી. એક બાઇક શોરૂમ અને હોસ્પિટલને આગ લગાડવામાં આવી હતી. તેમજ વાહનોને આગ ચાંપી દેવામાં આવી હતી. લોકો લાકડીઓ લઈને રસ્તા પર ઉતરી આવ્યા છે.

તોડફોડ, આગચંપી આખો દિવસ ચાલી
સોમવારે સવારે યુવકની હત્યા બાદ લોકોમાં રોષ ફેલાયો છે. હાથમાં લાકડીઓ અને લાકડીઓ લઈને ટોળું રોડ પર ઉતરી આવ્યું છે. આ દરમિયાન એક બાઇક શોરૂમ, ઇ-રિક્ષા એજન્સી અને એક હોસ્પિટલમાં આગ લગાવવામાં આવી હતી અને તોડફોડ કરવામાં આવી હતી. હોસ્પિટલ ઉપરાંત દુકાનો અને વાહનોને પણ આગ ચાંપી દેવામાં આવી હતી. ગ્રામજનો ગુનેગારોના ઘરો પર હુમલો કરવા અને એન્કાઉન્ટર કરવા માટે બુલડોઝરની માંગ કરી રહ્યા છે. જો કે પોલીસ તંત્રે મામલાને ચુસ્તપણે કાબૂમાં લીધો હતો. મોડી રાત્રે, બહરાઇચની સાંપ્રદાયિક હિસામાં મુખ્ય આરોપી સલમાન સહિત ઘણા લોકો વિરુદ્ધ એફઆઇઆર દાખલ કરવામાં આવી હતી.