જમ્મુ કાશ્મીરમાં 7 સ્ટુડન્ટની ધરપકડ, શું થયું ? જુઓ
જમ્મૂ-કાશ્મીરમાં હવે વિધ્યાર્થીઓ પર પણ પાકિસ્તાની તત્વોએ પોતાની નફરતભરી પ્રવૃત્તિ કરાવવાની શરૂઆત કરી છે.એમને ભારત વિરોધી બનાવી દેવાનું ષડયંત્ર ઘડવામાં આવ્યું છે. આવી જ એક ઘટના બહાર આવી છે.
ગાંદરબેલમાં સ્થિત શેર-એ-કાશ્મીર યુનિવર્સીટી ઓફ એગ્રીકલ્ચરલ સાયંસ એન્ડ ટેકનોલોજીના 7 વિદ્યાર્થીઓની પોલીસ દ્વારા ધરપકડ કરવામાં આવી છે. આ કાશ્મીરી વિદ્યાર્થીઓ પર 19 નવેમ્બરના રોજ વર્લ્ડકપ 2023ની ફાઈનલ મેચમાં ઓસ્ટ્રેલિયા સામે ભારતની હાર બાદ ઉજવણી કરવાનો અને પાકિસ્તાન ઝિંદાબાદના નારા લગાવવાનો આરોપ છે. આ 7 વિદ્યાર્થીઓ વિરુદ્ધ ગેરકાનૂની પ્રવૃત્તિઓ અધિનિયમ એટલે કે યુએપીએ હેઠળ કેસ નોંધવામાં આવ્યો છે.
એક બિન-કાશ્મીરી વિદ્યાર્થીએ આ અંગે ફરિયાદ નોંધાવી હતી. જેમાં તેણે કહ્યું હતું કે જ્યારે ઓસ્ટ્રેલિયાએ ભારતને હરાવ્યું ત્યારે આ 7 વિદ્યાર્થીઓએ યુનિવર્સીટી હોસ્ટેલમાં ઉજવણી કરી હતી. જેના કારણે તે અને તેના અન્ય સાથીઓ ડરી ગયા હતા. ડરેલા અને ગભરાયેલા વિદ્યાર્થીઓએ હોસ્ટેલમાં ફટાકડા ફોડવા અંગે પણ વાંધો ઉઠાવ્યો હતો. પરંતુ કાશ્મીરી વિદ્યાર્થીઓએ ઉજવણી કરવાનું ચાલુ રાખ્યું. ફરિયાદ બાદ પોલીસે તાજેતરમાં આ સાત કાશ્મીરી વિદ્યાર્થીઓની હોસ્ટેલમાંથી ધરપકડ કરી હતી.
જમ્મૂ-કાશ્મીરના વરિષ્ઠ પોલીસ અધિકારીઓએ આ મામલામાં UAPA લાદવામાં આવી હોવાને ધ્યાનમાં રાખીને આ બાબત વધુ માહિતી આપવાનો ઇનકાર કર્યો હતો. પોતાની ફરિયાદમાં બિન-કાશ્મીરી વિદ્યાર્થીએ આરોપ લગાવ્યો છે કે શરૂઆતમાં હોસ્ટેલમાં જોરદાર ઉજવણી કરવામાં આવી હતી. ત્યારબાદ ‘જીવે જીવે પાકિસ્તાન’ (પાકિસ્તાન ઝિંદાબાદ)ના નારા લાગ્યા હતા. જેના કારણે તે અને જમ્મૂ-કાશ્મીર બહારથી ભણવા આવેલા વિદ્યાર્થીઓ ખૂબ જ ડરી ગયા હતા.