કચ્છમાં ગોઝારો અકસ્માત : બસ અને ટ્રક અથડાતા 7 લોકોના મોત, હાઈવે પર મરણચીસો ગુંજી ઉઠી
રાજ્યમાં અકસ્માતની ઘટનામાં દિવસેને દિવસે વધારો થતો જાય છે ત્યારે વધુ એક ગોઝારા અકસ્માતની ઘટના કચ્છમાં સામે આવી છે જેમાં ટ્રક અને ખાનગી બસ વચ્ચે ટક્કર થતાં સાત લોકોના મોત નીપજ્યા છે. જ્યારે અનેક લોકો ઘાયલ છે. અકસ્માત થતાં ઘટના સ્થળે લોકોના ટોળાઓથી પડ્યા હતા અને ઘટનાની જાણ પોલીસને કરવામાં આવતા બનાવ સ્થળે પહોંચીને પોલીસના અધિકારીઓએ મૃતકોના મૃતદેહને પીએમ અર્થે હોસ્પિટલ ખસેડીને તેમજ ઘાયલોને સારવાર અર્થ હોસ્પિટલ ખસેડીને વધુ તપાસ હાથ ધરી હતી.
મળતી વિગતો અનુસાર આ ઘટના ભુજના મુન્દ્રા રોડ પર કેરા ગામ નજીક બની હતી જ્યાં બપોરના સમયે આ અકસ્માત થયો હતો. એક કન્ટેનર ઓવરટેક કરવા જતાં મિની બસ સાથે ટકરાયું હતું. જેમાં બસનો આગળનો ભાગ ભાંગીને ભૂકો થઈ ગયો હતો. અકસ્માતમાં સાત લોકોના કમકમાટીભર્યા મોત થયા છે જ્યારે ચાર લોકો ગંભીર રીતે બીજા ગ્રસ્ત છે. હજુ મૃત્યુ આંક વધવાની શક્યતા છે ત્યારે આ મામલે પોલીસ દ્વારા વધુ તપાસ હાથ ધરવામાં આવી છે.
અકસ્માતની જાણ થતાં જ પોલીસ અને એમ્બ્યુલન્સ ઘટનાસ્થળે પહોંચ્યા છે. ઈજાગ્રસ્તોને તાત્કાલિક ધોરણે હોસ્પિટલ ખસેડવામાં આવ્યા છે. પોલીસે સમગ્ર મામલે વધુ તપાસ હાથ ધરી છે. આ મિની બસ ભુજથી મુંદ્રા તરફ જઇ રહી હતી ત્યારે આ અકસ્માત સર્જાયો હતો. ઘટનાની જાણ થતાં જ તંત્રમાં દોડધામ મચી ગઈ હતી અને ઉતાવળે 108 પણ પહોંચી ગઇ હતી. ઘાયલોને સ્થાનિક હોસ્પિટલમાં ખસેડવામાં આવ્યા હતા જ્યાં લોકોના ટોળા ઉમટી પડ્યા હતા.
