32 વર્ષના સ્ટાર લોકપ્રિય કોરિયન એક્ટરનું હાર્ટ એટેકથી નિધન : ચાહકોમાં શોક

લોકપ્રિય કોરિયન એક્ટર પાર્ક મીન જેનું 32 વર્ષની વયે અવસાન થયું. તેમનું મૃત્યુ કાર્ડિયાક અરેસ્ટને કારણે થયું હતું. કોરિયન મીડિયા રિપોર્ટ્સ અનુસાર, તે ચીનમાં રજાઓ માણી રહ્યો હતો. તેમના પરિવાર અને એજન્સીએ સોશિયલ મીડિયા પર એક પોસ્ટ દ્વારા તેમના ચાહકોને તેમના મૃત્યુના સમાચાર આપ્યા.

પાર્ક મીન જે હવે આપની વચ્ચે રહ્યા નથી

હવે તેમના અંતિમ સંસ્કાર 4 ડિસેમ્બરે દક્ષિણ કોરિયાની ઇવા સિઓલ હોસ્પિટલમાં કરવામાં આવશે. પાર્કના પરિવાર અને એજન્સીએ સોશિયલ મીડિયા પોસ્ટ દ્વારા તેના ચાહકોને આની જાણકારી આપી. પાર્કના નાના ભાઈએ તેના ભાઈ માટે ઈન્સ્ટાગ્રામ પોસ્ટમાં લખ્યું, ‘અમારો પ્રિય ભાઈ શાંતિથી સૂઈ ગયો છે. અમે આશા રાખીએ છીએ કે શક્ય તેટલા વધુ લોકો તેમને છેલ્લી વાર વિદાય આપવા માટે આવી શકે.

પાર્કની એજન્સી ‘બિગ ટાઈટલ’એ પણ તેમના માટે લખ્યું, ‘પાર્ક મીન જે, જે ખૂબ જ પ્રતિભાશાળી અભિનેતા હતા અને હંમેશા પોતાનું સર્વશ્રેષ્ઠ આપતા હતા, હવે અમારી વચ્ચે નથી. જો કે અમે તેમનું કામ આગળ જોઈ શકીશું નહીં, પરંતુ અમે તેમને બિગ ટાઈટલના સૌથી ખાસ અભિનેતા તરીકે યાદ કરીશું. આશા છે કે તેમના આત્માને શાંતિ મળે.

પાર્ક મીન જે ની ફિલ્મી યાત્રા

પાર્ક મીન જે એ હજુ કરિયરની શરૂઆત જ કરી હતી પરંતુ તેણે K-Dramaમાં મોટું યોગદાન આપ્યું છે. તેમણે ટુમૉરો, લિટલ વુમન, કૉલ ઈટ લવ, ધ કોરિયા-ખિતાન વૉર જેવી બહુ ચર્ચિત ડ્રામાઓમાં મુખ્ય ભૂમિકા નિભાવી છે.

સોશિયલ મીડિયા પર કર્યો યાદ

પાર્ક મીન જેના નાના ભાઈએ તેમની યાદમાં લખ્યું કે, ” મારો પ્રિય ભાઈ હેવ આરામ કરવા માટે દૂર ચાલ્યો ગયો છે. હૂં ઈચ્છું છું કે જેટલા લોકો થઈ શકે તેટલા લોકો મારા ભાઈને યાદ કરે.” બિગ ટાઇટલ એજન્સીના સીઇઓ એ લખ્યું કે, ” એ છોકરો જેણે એમ કહેલું કે તે ચીનથી એક મહિનામાં રજા ગાળીને આવી જશે તે હવે લાંબી મુસાફરી પર જતો રહ્યો છે. પરિવાર માટે આ ખૂબ આઘાતજનક સમય છે”