ચક્રવાત દાના વચ્ચે 1600 બાળકોનો થયો જન્મ : શું વાવાઝોડા દરમિયાન વધુ બાળકો જન્મે છે ?? જાણો વિગતવાર

બંગાળની ખાડીમાંથી ઉદભવેલું ચક્રવાતી તોફાન ‘દાના’ ગુરુવારે રાત્રે 12:05 કલાકે 110 કિલોમીટર પ્રતિ કલાકની ઝડપે ઓડિશાના દરિયાકાંઠે અથડાયું હતું. વાવાઝોડાની લેન્ડફોલ પ્રક્રિયા સવારે લગભગ 8:30 વાગ્યે સમાપ્ત થઈ ગઈ હતી.  તોફાનની ઝડપ 8:30 કલાકમાં 110 કિમીથી  થી ઘટીને 10 કિમી  થઈ ગઈ હતી. જો કે શુક્રવારે પણ ઓડિશા, બંગાળ સહિતના રાજ્યોમાં વરસાદ ચાલુ રહ્યો હતો.  તોફાનમાં અનેક વૃક્ષો પડી ગયા હતા અને વાહનોને પણ નુકસાની થઈ હતી પણ સદનસીબે જાનહાની થઈ નહોતી ત્યારે ચક્રવાતી તોફાન વચ્ચે શેલ્ટર હોમમાં 1600 બાળકોનો જન્મ  આપ્યો હતો.

દરમિયાનમાં સરકારી સૂત્રોએ એવી માહિતી આપી હતી કે વાવાઝોડું ચાલુ હતું ત્યારે પણ આરોગ્યની સેવા નિરંતર ચાલુ રહી હતી અને ઓડિશામાં તો તોફાન દરમિયાન જ પ્રસૂતાઓની સેવા કરાઇ હતી અને 1600 બાળકોનો જન્મ થયો હતો.  તોફાન દરમિયાન જ રાજ્યમાં 4431 પ્રસૂતાઓને આરોગ્ય કેન્દ્રોમાં શિફ્ટ કરાઇ હતી. જેમાંથી 1600 બાળકો પેદા થયા હતા. આરોગ્ય કેન્દ્રોમાં કર્મીઓએ ખૂબ સારી સેવા બજાવી હતી.

આવી સ્થિતિમાં પ્રશ્ન એ છે કે શું તોફાનના કારણે બાળકોના ડિલિવરી દરને અસર થાય છે અને ગર્ભવતી મહિલાઓના બાળકો સમય પહેલા જન્મે છે. આ અંગે ઘણા પ્રકારના અભ્યાસ પણ કરવામાં આવ્યા છે, જેમાં અલગ-અલગ દલીલો આપવામાં આવી છે. ઘણા કિસ્સાઓમ એવું કહેવાય છે કે બાળકો વાવાઝોડા દરમિયાન વહેલા જન્મે છે. આવી સ્થિતિમાં, ચાલો જાણીએ કે આ વિશે વિજ્ઞાન શું કહે છે અને સમજીએ કે શું વાવાઝોડા ખરેખર ગર્ભવતી મહિલાઓને અસર કરે છે?

શું વાવાઝોડા બાળકના જન્મને અસર કરે છે?

વાસ્તવમાં, જ્યારે પણ વાવાઝોડું આવે છે, ત્યારે અસરગ્રસ્ત વિસ્તારોમાં નીચા હવાના દબાણનો વિસ્તાર બને છે, એટલે કે હવાનું ઓછું દબાણ. ઘણા અહેવાલોમાં દાવો કરવામાં આવ્યો છે કે તે સગર્ભા સ્ત્રીઓને અસર કરે છે અને જન્મ દરમાં વધારો કરે છે. ઓછા દબાણને કારણે, બાળક માટે પેટમાંથી બહાર આવવું સરળ બને છે. અમેરિકન કોલેજ ઓફ ઓબ્સ્ટેટ્રિશિયન્સ એન્ડ ગાયનેકોલોજિસ્ટના સીઈઓ ડો. હેલ લોરેન્સ સાથેની વાતચીતના આધારે NPRના એક રિપોર્ટમાં કહેવામાં આવ્યું છે કે આ ખૂબ જ જૂની વાર્તાઓમાંથી એક છે.

તે જ સમયે, 2007 માં આર્કાઇવ્સ ઑફ ગાયનેકોલોજી એન્ડ ઑબ્સ્ટેટ્રિક્સમાં પ્રકાશિત થયેલા અહેવાલમાં, જાન્યુઆરી 1997 થી ડિસેમ્બર 2003 વચ્ચે હોસ્પિટલમાં જન્મેલા બાળકો પર એક અભ્યાસ હાથ ધરવામાં આવ્યો હતો. આ અભ્યાસ દર્શાવે છે કે ઓછા દબાણના સમયગાળા દરમિયાન ડિલિવરીની સંખ્યામાં વધારો થયો હતો.

ફોર્બ્સના એક રિપોર્ટમાં પણ પ્રસૂતિ અને લો બ્લડ પ્રેશર વચ્ચે જોડાણ જોવા મળ્યું છે. એવું કહેવામાં આવ્યું છે કે ઓછા દબાણને કારણે, ગર્ભની પટલ ફાટવાની સંભાવના વધી જાય છે અને મૃત્યુ પામેલા જન્મના કેસ વધે છે. કેટલાક લોકોએ એવું પણ સૂચવ્યું છે કે વાવાઝોડા અને તેની સાથે સંકળાયેલા દબાણને કારણે લેબર પેઇન વધે છે.

ઘણા લોકો તેને એક દંતકથા માને છે, તેનાથી વિપરીત, આવા ઘણા અહેવાલો છે જેમાં આ હકીકતને ખોટી માનવામાં આવે છે. ઘણા અહેવાલોમાં એવું કહેવામાં આવ્યું છે કે ઓછા દબાણને કારણે વધુ સંખ્યામાં ડિલિવરી થવાની વાત એક દંતકથા છે અને આ સંબંધમાં હજુ સુધી કોઈ નક્કર પુરાવા મળ્યા નથી.