છત્તીસગઢમાં 14 વર્ષની બહેને 18 વર્ષના ભાઈ ની હત્યા કરી
મોબાઈલ ફોન હત્યા માટે નિમિત બન્યો
છત્તીસગઢમાં મોબાઈલ ફોન ઉપર છોકરાઓ સાથે વાત કરવાની મનાઈ ફરમાવનાર યુવાનની તેની 14 વર્ષની સગી બહેને હત્યા કરી નાખી હતી.
પોલીસ માંથી પ્રાપ્ત વિગતો મુજબ ખેરગઢ જિલ્લાના અમલીધિકાલા નામના ગામમાં રહેતી 14 વર્ષની તરુણી મોબાઇલ ફોન ઉપર છોકરાઓ સાથે વાત કરતી હોવાથી તેના 18 વર્ષના ભાઈએ ઠપકો આપ્યો હતો અને મોબાઈલ ફોનનો ઉપયોગ બંધ કરી દેવાની સૂચના આપી હતી.
દરમિયાનમાં એ પરિવારના અન્ય સભ્યો કામ ઉપર ગયા હતા ત્યારે એ યુવતીએ તેના નિંદ્રાધીન ભાઈને ગળા ઉપર કુહાડીના ઘા ઝીંકી પતાવી દીધો હતો. હત્યા બાદ યુવતીએ પોતાના વસ્ત્રો પરના લોહીના ડાઘા સાફ કરી નાખ્યા હતા અને બાદમાં પોતાના ભાઈની હત્યા થઈ હોવાનું પાડોશીઓને જણાવ્યું હતું. જોકે પોલીસની પૂછપરછ માં યુવતી ભાંગી પડી હતી અને પોતે જ હત્યા કરી હોવાની કબુલાત આપી હતી.
