કર્ણાટકની સ્કૂલમાં બની ભેગી ઘટના
કર્ણાટકના કારવાર જિલ્લાના દાંદેલી ગામમાં આવેલી એક ખાનગી શાળાની નવમા અને દસમા ધોરણમાં અભ્યાસ કરતી 14 સગીર વિદ્યાર્થીનીઓએ પોતાના હાથ ઉપર બ્લડ વડે કાપા કરવાનું કૃત્ય આચરતા ભારે રહસ્ય સર્જાયું છે.
પોલીસના જણાવ્યા મુજબ કન્નડ મીડિયમની આ શાળામાં શનિવારે આ ઘટના બની હતી. બપોરે શાળા પૂરી થયા બાદ 14 બાળાઓના આ જૂથે અગમ્ય કારણોસર પોતાના હાથ ઉપર બ્લડ વડે છરકા કરતાં બધી વિદ્યાર્થીનીઓ લોહીલુહાણ થઈ ગઈ હતી. એ જ હાલતમાં ઘરે પહોંચેલી બાળાઓને જોતાં વાલીઓ સ્તબ્ધ થઈ ગયા હતા. ચિંતાતુર વાલીઓએ શાળા સંચાલકોનો સંપર્ક કર્યા બાદ આ બાબતે પોલીસને જાણ કરવામાં આવી હતી. પોલીસના જણાવ્યા મુજબ કેટલીક બાળાઓના હાથ ઉપર તો 15 કરતાં પણ વધારે છરકા હતા. કર્ણાટકના શિક્ષણ વિભાગે પણ આ ઘટનાને ગંભીરતાથી લીધી હતી. ઘાયલ બાળાઓને પ્રાથમિક સારવાર આપ્યા બાદ સાઈકિયાટ્રિસ્ટ દ્વારા તેમનું કાઉન્સેલિંગ કરાયું હતું. આ વિદ્યાર્થીનીઓ માનસિક ચિંતા અને તનાવનો ભોગ બની હોવાનું કારણ નીકળ્યું હતું.
