પોતાની પ્રથમ વેબ સિરીઝમાં મહત્વકાંક્ષી મહિલાનું પાત્ર ભજવશે ભૂમિ પેડનેકર
ડીસીપીના પાત્રમાં ઉકેલશે અનેક ગુનાઓનો ભેદ
દમ લગાકે હૈસા અને બાલા જેવી અનેક ફિલ્મનો ભાગ રહેલી ભૂમિ પેડનેકર હવે વેબ સિરિઝમાં પગલાં માંડવા જઈ રહી છે. પોતાની પ્રથમ વેબ સિરીઝમાં ભૂમિ પોલીસ અધિકારીની ભૂમિકામાં નજરે પડશે. પોતાની પ્રથમ વેબ સિરીઝ ‘દલદલ’માં મહત્વકાંક્ષી મહિલાની ભૂમિકામાં જોવા મળવાની છે.
ભૂમિ પેડનેકરની પહેલી વેબ સિરિઝનું દલદલનું શૂટિંગ શરૂ થઈ ગયું છે. ભૂમીએ કહ્યું હતું કે, મને મારા કારકિર્દીની શરૂઆતથી જ પડકારો પસંદ રહ્યા છે. વેબ સિરીઝ દલદલનું પાત્ર ખૂબ જ પડકારજનક છે. આ સિરીઝમાં એક્શનના ઘણા ચાન્સ મળ્યા છે. મારુ પાત્ર રીટા ફરેરામાં બહાર અને અંદરના વિચારોના મતભેદમાં ફસાયેલી છે. હું તેને પૂરેપૂરા આત્મ વિશ્વાસ સાથે નિભાવવા માટે ઉત્સુક છુ.
ભૂમિ આગળ કહે છે કે, મારી પાસે પહેલા પણ અનેક વાર્તાઓ આવી જેમાં મહિલાઓ યુનિફોર્મમાં હતી, પરંતુ તે પ્રભાવશાળી ન હતી. મે પહેલા આવા પાત્ર વિશે ન તો વાંચ્યું હતું, ન તો જોયું હતું. આ સિરીઝમાં વાર્તાની શરૂઆત જ ત્યાંથી થાય છે જ્યાં મારુ પાત્ર મુંબઈના ડીસીપીના રૂપમાં પોતાનું કામ શરૂ કરે છે અને અનેક મર્ડર કેસ અને ગુનાઓ ઉકેલે છે.
