દુષ્કર્મ, ખૂન, અપહરણ સહિતના ગુનામાં વર્ષોથી ફરાર ત્રણ પકડાયા

કોઈ ૧૦ વર્ષથી તો કોઈ ૧૯ વર્ષથી પોલીસને આપી રહ્યા’તા ચકમો

પોલીસ દ્વારા નાસતાં ફરતાં આરોપીઓને પકડવા માટે આકાશ-પાતાળ એક કરી દેવામાં આવે છે ત્યારે આવા જ દુષ્કર્મ, ખૂન, અપહરણ સહિતના ગુનામાં ૧૦ વર્ષથી લઈ ૧૯ વર્ષ સુધી ભાગતાં ફરતાં ત્રણ આરોપીઓને પકડીને જેલના સળિયા પાછળ ધકેલી દેવામાં આવ્યા હતા.

અમદાવાદ ડીસીપી ઝોન-૬ રવિ મોહન સૈની, જે-ડિવિઝન એસીપી પ્રદીપસિંહ જાડેજાના માર્ગદર્શન હેઠળ મણીનગર પીઆઈ ડી.પી.ઉનડકટ સહિતની ટીમે ૨૦૧૪ના ખૂનના ગુનામાં ફરાર પૂનમ દિનેશભાઈ પટેલ (ઉ.વ.૩૦), શશાંક જગલેશ તીવારી (ઉ.વ.૨૬) અને ૨૦૫૫થી દુષ્કર્મ, અપહરણ સહિતના ગુનામાં જામીન ઉપર છૂટી કોર્ટમાં હાજર નહીં રહેતાં વિજય ઉર્ફે વીજુ બોડી રાજુભાઈ ઉત્તમચંદાની (ઉ.વ.૪૬)ને પકડી લઈ કોર્ટ હવાલે કરાયા હતા. વિજય ઉર્ફે વીજુ બોડક્ષ સામે દારૂની હેરાફેરી સહિતના ગુના પણ નોંધાયેલા છે.