આ કંપનીને તાળા મારી દેવા છે…રાજકોટમાં આવેલા ક્રિષ્ના વોટરપાર્કની અંદર ચાલતી કંપની બંધ કરાવવા માલિકે ધાક-ધમકી આપી

કુવાડવા નજીક આવેલા ક્રિષ્ના વોટરપાર્કની અંદર ચાલતી હર્બ એલિમેન્ટસ | નેચરોસ્યુટીકલ નામની કંપની બંધ કરાવવા ક્રિષ્ના પાર્કના માલિક હરિભાઈ કણસાગરા સહિત ચાર શખસોએ ભત્રીજાની આ કંપનીના મેનજરને ધાક ધમકી આપતા સમગ્ર મામલો પોલીસ મથકે પહોંચ્યો હતો. જેમાં પોલીસે ચારેય શખસો સામે ગુનો નોધી વધુ તપાસ હાથ ધરી છે

આ અંગેની વિગતો મુજબ, કુવાડવા ગામે રહેતા અને મૂળ મહારાષ્ટ્રના વતની ફરિયાદી નામકુંદન રામદાસ ગાયકવાડે કુવાડવા પોલીસ મથકમાં ક્રિષ્ના વોટરપાર્કના માલિક હરિભાઈ ગોવિદભાઈ કણસાગરા, નિલેશભાઈ માથુર, ગોપીભાઈ અને છગનભાઈ સામે ફરિયાદ નોંધાવતા જણાવ્યું હતું કે, તે હર્બ એલિમેન્ટસ નેચરોસ્યુટીકલ નામની કંપની કે જે ક્રિષ્ના વોટરપાર્કની અંદર આવેલ છે તેમાં પાંચ વર્ષથી મેનેજર તરીકે નોકરી કરી રહ્યા છે. આ કંપનીના માલિક જય સુરેશભાઈ કણસાગરા છે જે આરોપી હરિભાઈના ભત્રીજા થાય છે. ગત તારીખ 28/2/25 ના ક્રિષ્ના વોટરપાર્કના રિસેપ્શન માંથી તેમની કંપનીમાં ફોન આવ્યો હતો અને જણાવેલ કે, તમારી કંપની બંધ કરી દેજે નહિતર તમારા શેઠ સહિત તમામના સરનામા વીખાઈ જશે આ બાબતે ફરિયાદીએ માલિક જયભાઈ સાથે વાત કરતાં જણાવ્યું હતું કે, હરિભાઈ મારા મોટા બાપુજી છે અને પરિવાર જ છે.

આ પણ વાંચો : ચેતજો! રાજકોટમાં કેરટેકરે 2 મહિના નોકરી કર્યા બાદ પ્રેમી સાથે મળી વૃદ્ધાના મકાનમાંથી કરી લાખો રૂપિયાની ચોરી

ત્યારબાદ 2/3/25ના નામકુંદન કંપનીએ હતો ત્યારે હરિભાઈ બે અજાણ્યા શખસો સાથે આવેલ અને “તારો શેઠ ક્યાં છે આ કંપનીને તાળા મારી દેવા છે આજ તારો શેઠ નથી એટલે તું બચી ગયો તેમ કહી ત્યાંથી જતાં રહ્યા હતા. તારીખ 6/5/25 ના હરિભાઈ, ગોપીભાઈ અને કીર્તિ એન્જિનિયરિગના રમેશભાઈ સેરઠીયા આવેલ અને કંપનીમાં જઈને સ્ટાફના ફોટા અને વિડિયો ઉતારેલા હતા અને હરિભાઈએ ધમકી આપતા જણાવ્યું હતું કે, 9/5/25 સુધીમાં કંપની બંધ કરી દેજો નકર હું તાળા મારી દઈશ આ વાત મેનેજર નામકુંદન તેના શેઠ જયભાઈને વાત કરતા ફરિયાદ કરવાની ના પાડી હતી. જો કે 5/6/25ના હરિભાઈ, નિલેશ માથુર ગોપીભાઈ અને છગનભાઈ ફરી આવેલ અને નામકુંદન પાસે કંપનીના ભાડા કરાર સહિતના બધા ડોક્યુમેન્ટ મંગાવાયા હતા જે બાદ આરોપીઓએ નામકુંદન ગાળો ભાંડી ઢીકાપાટુનો મારમાર્યો હતો અને હવે પછી તું અહીંયા દેખાઈશ તો જાનથી મારી નાખીશ  તેવી ધમકી આપી હતી. જો કે સમગ્ર મામલે ઘરમેળે સમાધાનની વાત ચાલતી હોય જેથી ફરિયાદ થઈ ન હતી. ત્યારે સમાધાન ન થતા મામલો ! પોલીસ મથકે પહોંચતા પોલીસે ગુનો નોધી વધુ તપાસ હાથ ધરી છે.