ગાડી સાઈડમાં રાખવા મુદે વૃદ્ધને ચાર શખસોએ માર માર્યો

શહેરમાં આસ્થા ચોક પાસે ગાડી સાઈડમાં રાખવા મુદે 55 વર્ષીય પ્રૌઢ પર અજાણ્યા છોટા હાથીના ચાલક સહિતના ચાર શખસોએ હુમલો કરી માર મારી જ્ઞાતિ પ્રત્યે હડધૂત કરતાં માલવીયાનગર પોલીસે ગુનો નોંધ્યો છે. આંબેડકરનગર શેરી નં.7માં રહેતા બાબુભાઈ દેવકુભાઈ રાઠોડએ નોંધાવેલ ફરિયાદમાં આરોપી તરીકે છોટા હાથી ગાડી નં.જી.જે.38.બીટી 4926નો ચાલક અને તેની સાથેના અજાણ્યા ત્રણ શખ્સોના નામ આપતા જણાવ્યું હતું કે,ગઈકાલે સાંજના સમયે ઘરેથી બે પૌત્રને એકટીવામાં બેસાડી આસ્થા ચોક પાસે ગયા હતા. ત્યાંથી પરત આવતા હતા. ત્યારે છોટા હાથીનો ચાલક તેઓની ગાડી સાઈડમાં હોવા છતાં ગાડીના ચાલકે ગાડી સાઈડમાં લઈ લ્યો કહી બોલાચાલી કરી હતી. અને ઝપાઝપી કરી ઢીકાપાટુનો માર મારી જ્ઞાતિ પ્રત્યે હડધૂત કર્યા હતા. જેથી આ મામલે માલવિયા પોલીસે ગુનો નોંધી આરોપીની શોધખોળ હાથધરી છે.