કાંગશીયાળી ગામની સીમમાંથી અજાણ્યા યુવાનનો મૃતદેહ મળ્યો : લીવારસની શોધખોળ

શહેરની ભાગોળે કાંગશીયાળી ગામની સીમમાં ક્રિષ્ના રેસીડેન્સી સામે આવેલ રોડના કાંઠેથી આશરે 30થી 35 વર્ષના અજાણ્યા યુવાનનો મૃતદેહ મળી આવતા શાપર પોલીસની ટીમ દોડી ગઈ હતી. મૃતદેહ પીએમ અર્થે ખસેડાયો હતો. મૃતકના ડાબા હાથની કલાઈમાં અંગ્રેજીમાં એચ ત્રોફાવેલ છે. ઉપરાંત જમણા હાથે જયસુખ ત્રોફાવેલ છે. પોલીસે મૃતકની ઓળખ કરવા અને વાલીવારસની શોધખોળ હાથ ધરી છે. ઉપરાંત કોઈ વ્યક્તિને મૃતકની ઓળખ હોય તો શાપર પીઆઈ આર.કે. ગોહિલ, મો.નં. 99253 82918 અથવા હેડ કોન્સ. એન.એમ. રોજાસરા મો.નં. 94292 47942 અથવા શાપર પોલીસ ટેલીફોન નં.02827-253600 સંપર્ક કરવા અનુરોધ કરાયો છે.