નોઈડામાં છ વર્ષની બાળકી પર શાળા પરિસરમાં જાતીય હુમલો
ઘટના છુપાવનાર પ્રિન્સિપાલ ની ધરપકડ
નોઇડાની એક સીબીએસઈ એફિલીએટેડ શાળામાં છ વર્ષની બાળકી પર થયેલા જાતિયા હુમલાના કેસમાં ભીનું સંકેલવાના આરોપસર પોલીસે શાળાના પ્રિન્સિપાલ તેમજ ક્લાસ ટીચરની ધરપકડ કરી હતી.
બનાવવાની વિગત એવી છે કે મંગળવારે એ શાળામાં અભ્યાસ કરતી છ વર્ષની બાળકી પર શાળા પરિસરમાં જ એક શખ્સે જાતીય હુમલો કર્યો હતો. શાળા સંચાલકોએ ઘટના અંગે જાણ કરતાં બાળકીના વાલીઓ શાળાએ દોડી ગયા હતા. પ્રિન્સિપાલે એ શાળામાં બાંધકામ ચાલી રહ્યું હોવાનું અને તેમાં કામ કરતા એક મજૂરે આ કૃત્ય આચર્યું હોવાનું જણાવ્યું હતું. એ શખ્સ સામે ફરિયાદ નોંધાવી પોલીસને સોંપી દેવાયો હોવાનું પ્રિન્સિપાલે વાલીઓને જણાવ્યું હતું.
જોકે બાદમાં આ બનાવ અંગે કોઈની ધરપકડ ન થઇ હોવાની અને કોઈ ફરિયાદ ન નોંધાઇ હોવાની જાણ થતા વાલીઓએ પોલીસ ફરિયાદ નોંધાવતાં પોલીસ એક્શનમાં આવી ગઈ હતી અને આ ઘટના છુપાવવા બદલ તેમજ વાલીઓને ખોટી માહિતી આપવા બદલ ગુનો નોંધી પ્રિન્સિપાલ અને ક્લાસ ટીચર ની ધરપકડ કરી હતી.
