શહેરમાં રહેતી 17 વર્ષીય તરુણીને પ્રેમ સબંધ રાખવા દબાણ કરી જાતીય સતામણી કરતા આરોપીને દબોચી પોલીસે ગુનો નોંધ્યો હતો.જે કેસમાં અદાલતે આરોપી શહેજાદ જોગીશા ત્રણ વર્ષની સજા ફટકારી હતી.
આ કેસની હકિકત મુજબ, ગંગોત્રી પાર્ક મેઇન રોડ પર આવેલી આવકાર સોસાયટીમાં રહેતો અને મિસ્ત્રી કામ કરતો આરોપી શહેજાદ જોગીશાએ 17 વર્ષીય તરુણીનો સોશિયલ મીડિયાના માધ્યમથી સંપર્ક કર્યા બાદ તેનો પીછો કરી તેણીને પ્રેમ સંબંધ બાંધવા દબાણ કરતો હતો. તરુણીના માતા-પિતા બહાર ગયેલ ત્યારે આરોપી તેણીના ઘરે જઈને ભોગ બનનારને પ્રેમ સંબંધ બાંધવા દબાણ કરતો હોય દરમિયાન બોલાચાલી થતા ઘરમાં હાજર વૃદ્ધ જાગી જાતા આરોપી ભાગી ગયો હતો. આ બનાવથી ગભરાઈ ગયેલી તરુણીએ ફિનાઈલ પી આપઘાતનો પ્રયાસ કરતા તેને હોસ્પિટલમાં દાખલ કરવામાં આવી હતી. ઘટના અંગે પોલીસ ફરિયાદ દાખલ થતાં આરોપીને ધરપકડ કરી જેલ હવાલે કરવામાં આવ્યો હતો.
આ કેસ ચાલવા પર આવતા સરકારી વકીલ દ્વારા કરવામાં આવેલી ધારદાર દલીલો અને રજૂ કરેલા વડી અદાલતના ચુકાદાઓને ધ્યાને લઈને પોક્સો કોર્ટના ન્યાયાધીશએ આરોપી શહેજાદ જોગીશાને ત્રણ વર્ષની સજા ફટકારી હતી.આ કેસમાં સરકાર તરફે સરકારી વકીલ મહેશ જોષી રોકાયેલા હતા.
