ઓમ હાઉસીંગ સોસાયટીમાં લુખ્ખાઓનો આંતક; વિધાર્થી ઉપર હુમલો

સમગ્ર ઘટનાનો વિડીયો વાઇરલ: છાત્રના વાળ ખેંચી માથુ જમીન સાથે ભટકાડી આંખમાં મુક્કો માર્યો

રાજકોટના  કાલાવડ રોડ પર આવેલ ઇસ્કોન મંદીરની પાછળ ઓમ હાઉસીંગ સોસાયટીમાં રહેતા અને ધો.12ના છાત્ર સાથે મુસ્લિમ શખ્સે માથાકુટ કરી વાળ ખેંચી માથુ જમીન સાથે ભટકાડી આંખમાં મુક્કો મારી ગંભીર ઇજા કરી હતી. આ અંગે યુનિવર્સિટી પોલીસે યુવકની ફરિયાદ પરથી શેફ મેમણ સામે ગુનો નોંધ્યો છે.

સમગ્ર ઘટનાનો વિડીયો વાઇરલ થયો હતો જેમાં ઓમ હાઉસીંગ સોસાયટીમાં રહેતા અને પરિશ્રમ સ્કૂલમાં ધો.12નો અભ્યાસ કરતા  હર્ષ દીલીપભાઇ ગોસ્વામી (ઉ.વ.18) નામનો યૂવક તા.18ના રોજ સાંજે તેમના મિત્રો સાથે ઘર નજીક બગીચામાં બેઠો હતો ત્યારે ત્યાં શેફ મેમણ ત્યાં ધસી આવ્યો હતો અને તેમને ઢીકાપાટાનો માર મારવા લાગ્યો હતો. અને આરોપી કહેતો હતો કે, અહીંયા અમે કહીએ તેમજ કરવાનુ રહેશે કહીં હર્ષના વાળ ખેંચી માથુ જમીન પર અથડાવી ઢિકાં પાટા માર્યા હતા હર્ષે કોઈ પ્રતિકાર નહિ કરતાં આ શખ્સે આંખમાં મુક્કો મારી દેતા હર્ષને ગંભીર ઇજા થઈ હતી. બાદમાં શેફ મેમણ ધમકી આપી નંબર પ્લેટ વગરના હોન્ડામાં બેસી ત્યાંથી જતો રહ્યો હતો.

હર્ષના પિતા દિલીપભાઈ સહિતના સોસાયટીના રહીશોએ  આક્ષેપ કર્યો હતો કે, શેફ મેમણ સહિતના લુખ્ખાઓ ડ્રગ્સ પેડલર હોય અને અવારનવાર સોસાયટીમાં આવી માથાકુટ કરે છે. આ ઘટનાના અંગે યુનિવર્સિટી પોલીસે વધુ તપાસ શરૂ કરી છે.