પુનિતનગર નજીકથી ઇકો કારમાં દારૂની ખેપ મારતો શખસ ઝડપાયો
દારુની ૧૨૦ બોટલો સહિત રૂ.૨.૫૦ લાખનો મુદ્દામાલ કબ્જે
શહેરના પુનિતનગર નજીક આવેલા સત્યમ ચોક નજીકથી ઇકો ગાડીમાં દારુની ખેપ મારતા સખ્સને ક્રાઈમ બ્રાન્ચે ઝડપી લીધો હતો.તેમજ દારુની ૧૨૦ બોટલો તેમજ કાર સહિત રૂ.૨.૫૦ લાખનો મુદ્દામાલ કબ્જે કર્યા હતો.
મળતી વિગતો અનુસાર, ક્રાઈમ બ્રાન્ચ પીઆઈ એમ.આર ગોંડલીયાના માર્ગદર્શન હેઠળ એએસઆઇ આર.બી.જાડેજા સહિતનો સ્ટાફ પેટ્રોલિંગમાં હતો ત્યારે મળેલી બાતમીના આધારે પુનિતનગર નજીક આવેલા સત્યમ ચોક પાસે રહેલી શંકાસ્પદ ઊભેલી ઇકો કારની તલાસી લેતાં તેમાંથી દારુની ૧૨૦ બોટલો મળી આવી હતી.પોલીસે મચ્છોનગરમાં રહેતો ભૂપત રાઠોડ નામના શખ્સની ધરપકડ કરી કાયદેસરની કાર્યવાહી કરી હતી.તેમજ દારુ, મોબાઇલ તેમજ કાર સહિત રૂ.૨.૫૦ લાખનો મુદ્દામાલ કબ્જે કરી વધુ તપાસ હાથ ધરી છે.