ગાંધીગ્રામ પોલીસ મથક સામે મારામારી કરનાર યુવતી સહીત ત્રણ સામે ગુનો નોંધાયો

150 ફુટ રીંગ રોડ પર ગાંધીગ્રામ પોલીસ મથક પાસે એક યુવતી સહિત ત્રણ શખ્સો જાહેરમાં મારામારી કરતા હોવાનો સોશીયલ મીડીયામાં વિડીયો વાયરલ થતા ગાંધીગ્રામ પોલીસે ત્રણ સામે ગુનો દાખલ કર્યો છે.

વિગત મુજબ ગાંધીગ્રામ પોલીસ સ્ટેશનની બાજુમાં બે દીવસ પૂર્વે એક યુવતી તથા બે યુવાન ત્રણેય જાહેરમાં મારામારી કરતા હોવાનો સોશિયલ મીડીયામાં વીડીયો વાયરલ થતા ગાંધીગ્રામ પોલીસ મથકના પી.આઇ.બી.ટી. અકબરીના માર્ગદર્શન હેઠળ હેડ કોન્સ્ટેબલ મયુરસિંહ જાડેજાએ જાહેરમાં બખેડો કરનારા રવી રાયઘનભાઇ રાઠોડ (ઉ.વ. ૨૮) (રહે. આજીડેમ ચોકડી ગોકુલ પાર્ક શેરી નં. ૩) મેહુલ રાજેશભાઇ ચાવડા (ઉ.વ. ૨૮) (રહે. યુવરાજનગર શેરી નં. ૨, આજીડમે ચોકડી) અને અંકિતા જયંતીભાઇ લલોવાડીયા (ઉ.વ. ૩૦) (રહે. વૃંદાવન હોસ્ટેલ પંચાયત ચોક પાસે યુનિવર્સિટી રોડ) સામે ગુનો નોંધી સકંજા લીધા છે.