રાજકોટના વેપારીએ દિલ્હીની યુવતીનો ચાર વર્ષ સુધી દેહ પીંખ્યો

નીલ સિટી ક્લબ પાસે રહેતા શખસે પત્ની સાથે છૂટાછેડા લઇ લીધા અને યુવતી સાથે લગ્ન કરી લેશે તેવી લાલચ આપી અલગ-અલગ હોટલોમાં દુષ્કર્મ ગુંજાર્યું : યુવતીએ ફરિયાદ કરતાં બળજબરીથી સમાધાન લખાણમાં સહી કરાવી લીધી : એ ડિવિઝન પોલીસે ધરપકડ કરી

રાજકોટના નિલ સીટી કલબ પાસે રહેતા કેટરસના સંચાલકે દિલ્હીની યુવતીને પ્રેમ જાળમાં ફસાવી તેની સાથે લગ્ન કરી લેશે તેવી લાલચ આપી અલગ અલગ હોટલમાં લઈ જઈ દુષ્કર્મ ગુજારી યુવતીને તરછોડી દેતા તેણીએ એ-ડીવીઝન પોલીસમાંથી ફરિયાદ નોંધાવતાં પોલીસે ગુનો નોંધી કેટરસ સંચાલકની ધરપકડ કરી છે.

વિગતો મુજબ, મુળ દિલ્હીની વતની અને હાલ રાજકોટમાં ભાડે મકાન રાખીને રહેતી 31 વર્ષિય યુવતીએ નોંધાવેલી પોલીસ ફરિયાદમાં આરોપી તરીકે નિલ સિટી કલબ સ્કાય કોન્ડો મીનીયમમાં રહેતા કેટરસ સંચાલક અમીત ભગવાનજી ભાલોડિયાનું નામ આપ્યું છે. યુવતીએ ફરિયાદમાં જણાવ્યા મુજબ તે અમીતને ત્યાં કેટરસમાં કામ કરતી હોય બન્ને વચ્ચે સંપર્ક થયા બાદ પ્રેમ સંબંધ બંધાયો હતો. અમીતના છુટાછેડા થયા હોય તેણે કેટરસમાં કામ કરતી યુવતીને લગ્ન કરવાની લાલચ આપી ખોટા વાયદાઓ કરી રાજકોટની લીમડા ચોકમાં આવેલી કે.રોઝ હોટલ તથા અન્ય હોટલમાં લઈ જઈ તેની સાથે બળજબરી પૂર્વક દુષ્કર્મ ગુંજાર્યું હતું. અને અમીત યુવતી સાથે લગ્ન કરી લેશે તેવી લાલચ આપી હતી. છેલ્લા ચાર વર્ષથી અમીતના શોષણનો ભોગ બનતી કેટરસમાં નોકરી કરતી યુવતીએ અગાઉ લગ્ન નહીં કરતાં તેણીએ પોલીસમાં ફરિયાદ કરી હતી.ત્યારે અમિતે યુવતીને ધમકાવી ફરિયાદ પછી ખેચાવી લીધી હતી.અને જાનથી મારી નાખશે તેવી ધમકી આપી સમાધાનના લખાણ ઉપર તેની બળજબરીથી સહી પણ કરાવી લીધી હતી.

જ્યારે તેણીએ તપાસ કરતાં માલૂમ પડ્યું હતું.કે અમિતે પોતાની પત્નીને છૂટાછેડા પણ આપ્યા નથી અને યુવતીનું ચાર વર્ષથી શોષણ કરી રહ્યો છે.જેથી યુવતીએ અમીત ભગવાનજી ભાલોડિયા સામે એ-ડીવીઝન પોલીસ મથકમાં ફરિયાદ નોંધાવતા પીઆઈ આર.જી.બારોટ અને તેમની ટીમે ગુનો નોંધી આરોપી અમીત ભાલોડિયાની ધરપકડ કરી છે.