વિરડાવાજડ ગામ પાસે છકડો રિક્ષામાં બાઇક અથડાતાં વેપારીનું મોત
રાજકોટમાં રેલનગર વિસ્તારમાં રહેતા હાર્ડવેરના વેપારી પોતાનું બાઇક લઇને સામાન આપવા માટે નિકાવા જતાં હતા ત્યારે વીરડા વાજડી ગામ પાસે તેમના બાઇકને રીક્ષાએ ઠોકર મારતા અકસ્માત સજાયો હતો.અને તેમનું ઘટના સ્થળે જ મોત નિપજતા પરિવારમાં અરેરાટી વ્યાપી છે. વિગતો મુજબ, રેલનગર વિસ્તારમાં શિવમ પાર્ક-૫ બ્લોક નંબર ૧૮ માં રહેતા મનોજકુમાર સુંદરદાસ ટેકવાણી (ઉ.વ ૫૪) નામના વેપારી ટુ-વ્હીલર લઇ કાલાવડના નિકાવા તરફ જઈ રહ્યા હતા ત્યારે વિરડાવાજડી ગામ પાસે છકડો રીક્ષાએ તેમને હડફેટે લેતા તેઓ રોડ પર પટકાયા હતા અને ગંભીર રીતે ઘવાતા સારવાર માટે ૧૦૮ મારફત રાજકોટ સરકારી હોસ્પિટલ ખસેડવામાં આવ્યા હતા. અહીં સારવાર કારગત નીવડે તે પૂર્વે વેપારીનું મોત થયું હતું. બનાવના પગલે તાલુકા પોલીસે તપાસ કરતાં જાણવા મળ્યું હતું કે, વેપારી મનોજકુમારને સંતાનમાં એક પુત્ર અને એક પુત્રી છે. તેઓ હોલસેલમાં હાર્ડવેરનો સામાન રાજકોટ સહિત આસપાસના વિસ્તારોમાં આપવા જતા હતાં. સવારે નીકાવાના વેપારીને હાર્ડવેરનો સામાન આપવા જતા હતા દરમિયાન અકસ્માત સર્જાયો હતો.અને તેમનો જીવ ગયો હતો.
