પોત્રીની ઉંમરની દીકરી સાથે 92 વર્ષના વિકૃત વૃદ્ધે કર્યા અડપલા

રેલનગર વિસ્તારમાં ઘર પાસે રમતી બાળકી સાથે સરાજાહેર પાડોશી વૃદ્ધે ન કરવાનું કર્યું : માતા જોઈ જતા ઘટનાની જાણ થઈ : પ્ર.નગર પોલીસે ગુનો નોંધી ધરપકડ કરી 

રાજકોટમાં એક શરમજનક ઘટના સામે આવી છે.રેલનગર વિસ્તારમાં રહેતી પરિવારની સાડા ત્રણ વર્ષની દીકરી સાંજના સમયે ઘર પાસે રમી હતી.ત્યારે આ જ વિસ્તારમાં રહેતા તેની દાદાની ઉંમરના 92 વર્ષના વિકૃત વયો વૃદ્ધે બાળકીને પકડી બિભત્સ અડપલા કર્યા હતા.આ દરમિયાન બાળકીની માતા જોઈ જતા બાળકીને તુરંત પોતાની પાસે લઈ લીધી હતી અને બાદમાં પ્ર.નગર પોલીસ સ્ટેશનમાં ફરિયાદ નોંધાવતા પોલીસે ગુનો નોંધી વિકૃત વૃદ્ધ સામે ગુનો નોંધી તેની ધરપકડ કરી છે.

બનાવની મળતી વિગતો મુજબ, શહેરના રેલનગર વિસ્તારમાં રહેતા પરણીતાએ પ્ર.નગર પોલીસ સ્ટેશનમાં નોંધાવેલી ફરિયાદમાં આરોપી તરીકે આ જ વિસ્તારમાં રહેતા નવલશંકર કલ્યાણજીભાઈ દેસાઈ નામના 92 વર્ષના વયો વૃદ્ધનું નામ આપતા જણાવ્યું હતું કે, ગુરુવાર સાંજના સમયે તેણી ઘરે પોતાના કામકાજમાં વ્યસ્ત હતા અને તેમની 3 વર્ષ 11 માસની દીકરી અહીં ઘર પાસે રમતી હતી. તે વખતે બાળકીની દાદાના ઉંમરના એવા આરોપી નવલશંકરે બાળકીને પોતાની પાસે બોલાવી બાદમાં બાળકીના ગુપ્તભાગે હાથ ફેરવી અડપલાં કરી જાતીય સતામણી કરી હતી. બાળકી સાથે વૃદ્ધ વિકૃત હરકત કરી રહ્યા હોય દરમિયાન બાળકીની માતા બહાર આવતા આ દ્રશ્ય જોઈ જતા તેઓ હેબતાઈ ગયા હતા અને તુરંત બાળકીને પોતાની સાથે લઇ ગયા હતા. ત્યારબાદ તેમણે પરિવારને આ વાત કરતા પોલીસ સ્ટેશનને પહોંચી ફરિયાદ નોંધાવી હતી. પોલીસે બાળકીની માતાની ફરિયાદ પરથી 92 વર્ષના વૃદ્ધ નવલશંકર દેસાઈ વિરુદ્ધ પોકસો એક્ટની કલમ હેઠળ ગુનો નોંધી પીઆઈ બી.એમ.ઝણકાટ દ્વારા તેની અટકાયત કરવામાં આવી છે.