શેરબજાર ઓલટાઈમ હાઈ, નિફ્ટી પહેલી વખત 26 હજાર પાર

આજે શેરબજારે તમામ રેકોર્ડ તોડી નાખ્યા હતા. ઐતિહાસિક ઊંચાઈને સ્પર્શ્યા બાદ આજે શેરબજાર ઉપલા સ્તરથી થોડું નીચે બંધ થયું હતું. આજે શેરબજારના બંધમાં સેન્સેક્સ માત્ર 14.57 પોઈન્ટ ઘટીને 84,914.04 ના સ્તરે અને નિફ્ટી 1.35 પોઈન્ટ વધીને 25,940.40 ના સ્તરે બંધ રહ્યો હતો.

મંગળવારે શેરબજારે ઐતિહાસિક રેકોર્ડ બનાવ્યો હતો અને નિફ્ટીએ પ્રથમ વખત 26,000ને પાર કરી લીધો હતો. નિફ્ટીએ 37 ટ્રેડિંગ સેશનમાં આ અદભૂત સિદ્ધિ હાંસલ કરી હતી અને આ સમયગાળા દરમિયાન તે 25,000 થી 26,000 સુધી પહોંચી ગયો હતો. નિફ્ટીએ 26,011.55ની રેકોર્ડ સપાટી હાંસલ કરી છે.

સેન્સેક્સે 85,163.23 ની નવી ઊંચી સપાટી બનાવી છે અને આ સર્વકાલીન ઉચ્ચ સ્તર પણ છે. બેન્ક નિફ્ટીમાં 54,247.70ની નવી જીવનકાળની ઊંચી સપાટી જોવા મળી છે અને આ શેરબજારને નવી ગતિ આપી રહી છે.