શેરબજારમાં તેજીનું વાવાઝોડું, વાંચો કેટલા પોઈન્ટનો ઉછાળો આવ્યો
વિધાનસભાની ચૂંટણીમાં ભાજપનો ત્રણ રાજ્યોમાં વિજય થયો તેના કારણે શેરબજારમાં આજે અભૂતપૂર્વ તેજી જોવા મળી છે. 30 શેરનો સેન્સેક્સ 1400 પોઈન્ટ વધી ગયો હતો જ્યારે નિફ્ટીમાં પણ 320 પોઈન્ટથી વધુ ઉછાળો આવ્યો હતો. આ દરમિયાન અદાણી જૂથના શેરો પણ તેજીમાં છે. સુપ્રીમ કોર્ટે હિન્ડનબર્ગ રિપોર્ટને લગતી જે સુનાવણી કરી ત્યાર પછી ગૌતમ અદાણીની સંપત્તિમાં 5.6 અબજ ડોલરનો વધારો થયો છે. ત્યાર પછી આજે માર્કેટમાં જે તેજી આવી તેમાં અદાણી જૂથની કંપનીઓની માર્કેટ કેપિટલમાં લગભગ 9.80 અબજ ડોલરનો વધારો થયો છે.
એક રિપોર્ટ અનુસાર ગયા સપ્તાહમાં જ અદાણીની સંપત્તિમાં 5.6 અબજ ડોલરનો મોટો વધારો થયો હતો. આજે શેરબજારમાં જે તેજી આવી તેની અસર તો અલગ જ ગણાશે. આજે અદાણી પાવરનો શેર 5.47 ટકા વધ્યો હતો જ્યારે અદાણી એન્ટરપ્રાઈઝિસના શેરમાં સાત ટકાનો વધારો થયો છે. અદાણી પોર્ટ્સનો શેર પણ આજે 6.10 ટકા વધ્યો છે. અદાણી ગ્રીન એનર્જીના શેરમાં 9.60 ટકા અને અદાણી ટોટલ ગેસના શેરમાં 4.40 ટકા ઉછાળો આવ્યો હતો. અદાણી જૂથની સિમેન્ટ કંપની અંબુજા સિમેન્ટનો શેર 7.35 ટકા અને ACC Cementનો શેર 6.46 ટકા વધ્યો હતો. અદાણી વિલ્મરનો શેર પણ 2.60 ટકા વધ્યો હતો
આજે અદાણીના શેરોમાં અઢી ટકાથી લઈને 10 ટકા સુધી વધારો થયો હતો. સેન્સેક્સમાં આજે 1.5 ટકાનો વધારો થયો છે અને 68860ની સપાટી પાર કરી દીધી છે.