કારના શોખીનો તૈયાર થઈ જાઓ
કિયા કંપની બે સપ્તાહ બાદ સોનેટ ફેસલિફ્ટ એસયુવી મોડેલ બજારમાં મુકીને તહેલકો મચાવશે
પ્રખ્યાત કાર નિર્માતા કિયા કંપની હવે માર્કેટમાં નવું સેન્સેશન ઉભું કરવા જઈ રહી છે. કારના શોખીનો પણ હંમેશા તેનો ઇંતેજાર કરતા રહે છે અને હવે તમને એક આનંદ આવે તેવી વાત કરવાની છે. ૧૪મી ડિસેમ્બર સુધીમાં કંપની પોતાની સોનેટ ફેસલિફ્ટ એસયુવી મોડેલને માર્કેટમાં મુકવાની તૈયારી કરી રહી છે. ઘણા લાંબા સમયથી આ મોડેલની પ્રતિક્ષા કરવામાં આવી રહી હતી.
એવી સંભાવના પણ વ્યક્ત કરવામાં આવી રહી છે કે, સોનેટ ફેસલિફ્ટ એસયુવી મોડેલમાં અનેક પ્રકારના ફેરફારો જોવા મળી શકે છે. નવા મોડેલમાં ત્રણ પ્રકારના એન્જિનના ઓપ્શન ગ્રાહકોને આપવામાં આવશે. ગ્રાહકો પોતાની સગવડતા મુજબ એન્જિનની પસંદગી કરી શકશે. પ્રથમ એન્જિન ૧.૨ લીટરનું પેટ્રોલ એન્જિન હશે જે ૮૪ એચપી પાવર અને ૧૧૫ એનએમનું મેક્સિમમ ટોર્ક જનરેટ કરશે. બીજું એન્જિન ૧.૦ લીટર ટર્બો પેટ્રોલ એન્જિન હોઈ શકે છે.
એ જ રીતે ડીઝલ કારના પ્રેમીઓ માટે પણ ડીઝલ એન્જિનનો વિકલ્પ આપવામાં આવે તેવી સંભાવના છે જેમાં ૧.૫ લીટર યુનિટ એન્જિન આપવામાં આવી શકે છે જે અંદાજે ૧૧૬ એચપી પાવર અને ૨૫૦ એનએમના પીકટોર્ક આપી શકે છે. નવા મોડેલમાં ગ્રાહકોને અપગ્રેડ ફ્રન્ટ બમ્પર અને હેડલાઈટ ક્રસ્ટર જોવા મળી શકે છે. એ જ રીતે પાછળની સાઈડમાં ટેલ લાઈટ મળશે.
