શેરબજારમાં ભૂકંપ : ઐતિહાસિક કડાકો
- અમેરિકી મંદીના ભયથી ભારત સહિત વિશ્વભરના સ્ટોક માર્કેટ ધ્રુજ્યા
- શુક્રવાર પછી સોમવારે પણ બજાર તૂટ્યુ
મુંબઈ
અમેરિકાની અર્થવ્યવસ્થામાં મંદીની આશંકા અને ઈરાન તથા ઇઝરાયલ વચ્ચે યુધ્ધ;ના ભણકારાને લીધે આજે ભારત સહીત વિશ્વભરના શેરબજારમાં ગાબડા પડ્યા હતા અને રોકાણકારોના લાખ્ખો-કરોડો રૂપિયાનું ધોવાણ થઇ ગયું હતું. આજે ભારતીય રૂપિયો પણ તુટ્યો હતોઅને ક્રીપ્ટોની વેલ્યુ પણ નીચે ગઈ હતી. આજે મુંબઈ શેરબજાર ઉપરાંત જાપાન, ફ્રેન્કફર્ટ, પેરીસ, લંડન, મિલાન, મેડ્રીડ સહિતના શેરબજારમાં ભારે કડાકા બોલ્યા હતા. મુંબઈ શેરબજારમાં આજે સવારે ખુલતા જ ૨૬૦૦ પોઈન્ટનો કડાકો બોલી ગયો હતો અને ઇન્ટ્રા ડે વેચવાલી રહી હતી.
વૈશ્વિક વેચવાલીના કારણે સેન્સેક્સ 2222 પોઈન્ટના કડાકા સાથે બંધ રહ્યો હતો જયારે નિફ્ટી 2.5 ટકા કડાકા સાથે 24,055 પર બંધ રહ્યો હતો. મિડકેપ ઈન્ડેક્સમાં 3.5 ટકાઅને સ્મોલકેપ ઈન્ડેક્સમાં 4 ટકા ઘટાડો જોવા મળ્યો હતો. આજે ડોલર સામે રૂપિયો પણ 83.94 પૈસાના રેકોર્ડ સ્તરે બંધ રહ્યો હતો. સુત્રોના જણાવ્યા અનુસાર, માર્ચ 2020 પછી શેરબજારમાં આ સૌથી મોટો ઘટાડો છે, જ્યાં રોકાણકારોએ 16 લાખ કરોડ જેવી રકમ ગુમાવી છે.
અમેરિકન બજારોમાં બેરોજગારીનો દર અને કેટલાક અન્ય આર્થિક આંકડાઓ અપેક્ષા કરતા વધુ ખરાબ હતા ત્યારે અમેરિકામાં મંદીનો ભય સમગ્ર વિશ્વ માટે ખરાબ સંકેત તરીકે આવ્યો હતો જે શુક્રવારથી શરૂ થયેલ ઘટાડાનું સુનામી આજે ‘બ્લેક મન્ડે’માં ફેરવાઈ હતી. શુક્રવારથી વૈશ્વિક શેરબજારોમાં વેચવાલીનો ટ્રેન્ડ હતો, જે આજે વૈશ્વિક સેલઓફમાં પરિવર્તિત થયો હતો.
રોકાણકારોનારૂ. 16 લાખ કરોડ સ્વાહા
આજે બજારના આ ઘટાડામાં BSE પર લિસ્ટેડ કંપનીઓના માર્કેટ કેપમાં રૂ. 16 લાખ કરોડનો ઘટાડો થયો છે, એટલે કે બજાર ખુલતાની સાથે જ રોકાણકારોની સંપત્તિમાં રૂ. 16 લાખ કરોડનો ઘટાડો થયો છે, કારણ કે BSEનું માર્કેટ કેપ ઘટીને રૂ. 444.35 લાખ કરોડ થયું છે. શુક્રવારે, BSEનું માર્કેટ કેપ 457.21 લાખ કરોડ રૂપિયા હતું, આજે એટલે કે 5 ઓગસ્ટ 2024ના રોજ બજાર ખુલતાની સાથે જ તે 4,47,64,692.65 કરોડ રૂપિયા પર આવી ગયું. મતલબ કે રોકાણકારોની મૂડીમાં રૂ. 16 લાખ કરોડથી વધુનો ઘટાડો થયો છે.
