ઉત્તર પ્રદેશમાં માર્ગ અકસ્માતમાં કેટલા લોકો જીવતા ભુંજાઈ ગયા વાંચો
ઉત્તર પ્રદેશમાં બરેલી- નૈનીતાલ હાઇવે પર ભોજીપુરા નજીક સર્જાયેલા એક ગોઝારા અકસ્માતમાં માસુમ બાળક સહિત આઠ લોકોના કરુણ મૃત્યુ થયા હતા.
પોલીસના જણાવ્યા અનુસાર અકસ્માતનો ભોગ બનેલા લોકો એક લગ્ન પ્રસંગમાં હાજરી આપી અને પરત ફરી રહ્યા હતા ત્યારે આ દુર્ઘટના બની હતી.
પ્રાપ્ત વિગત અનુસાર ઉત્તરાખંડ થી રેતી લઈને આવતા એક ટ્રક સાથે ગાડી અથડાયા બાદ કારનું ટાયર પંચર થઈ ગયું હતું. પરિણામે કાર ચાલકે કાબુ ગુમાવતા કાર ઢસડાઇ અને રસ્તાની બીજી સાઈડમાં ફેકાઈ ગઈ હતી. એ દરમિયાન પેટ્રોલ ટેંક ફાટતા કાર અગનજવાવાળાઓમાં લપેટાઈ ગઈ હતી. કારનું સેન્ટ્રલ લોક બંધ હોવાથી તમામ મુસાફરો ગાડીમાં જ ફસાઈ જતા જીવતા ભડથું થઈ ગયા હતા.
