વટામણ ચોકડી પર બેકાબૂ ટ્રેલર પલટી ખાઇ જતા નીચે દબાઈ જવાથી બે વ્યકિતનાં મોત
ધોળકા તાલુકામાં વટામણ ચોકડી ખાતે બેકાબુ ટ્રેલર પલટી જતા સર્જાયેલા ગોઝારા માર્ગ અકસ્માતમાં ધોળકાના વટામણ અને ભોળાદ ગામના બે વ્યકિતનાં ટ્રેલર નીચે દબાઈ જવાથી મોત થયા છે. જ્યારે 5થી 7 લોકો ટ્રેલરની અડફેટે ઘાયલ થતાં સારવાર માટે હોસ્પિટલ ખસેડાયા છે. બગોદરા તરફથી પુરપાટ આવતું એક ટ્રેલર વટામણ સર્કલ પાસે જ પલટી મારી જતાં રોડ લારી- ગલ્લાવાળાઓ અને ત્યાં ઉભેલા કેટલાક લોકો ટ્રક નીચે દબાઈ ગયા હતા. આ બનાવની જાણ 108ને થતા એમ્બ્યુલન્સો તાત્કાલિક ઘટના સ્થળે પહોંચી ગઈ હતી.