CMના હસ્તે રાઇઝિંગ ઓફ રાજકોટ ચિત્ર પ્રદર્શનનું લોકાર્પણ: સ્ક્રીન સામે ઉભા રહેતા જ એક ક્લિકમાં મળશે વડાપ્રધાન સાથેની તસ્વીર
મુખ્યમંત્રી આજે રાજકોટની મુલાકાતે પધાર્યા હતા. વિવિધ વિકાસ કામોના લોકાર્પણ અને ખાતમુહૂર્ત કરવા માટે આવેલા મુખ્યમંત્રી ભૂપેન્દ્ર પટેલના હસ્તે રાજકોટની ડૉ. શ્યામા પ્રસાદ આર્ટ ગેલેરી ખાતે “રાઈઝિંગ રાજકોટ”ની થીમ સાથે શહેરના 20 વર્ષના વિકાસની યશગાથા વર્ણવતા પ્રદર્શન એકમને ખુલ્લું મૂકવામાં આવ્યું હતું. મુખ્યમંત્રીએ ડૉ. શ્યામા પ્રસાદ મુખર્જીની પ્રતિમાને પુષ્પાંજલિ અર્પણ કરીને રાજકોટના અતિત, આગત અને અનાગતના ભવ્ય વિકાસના પ્રદર્શનને રસપૂર્વક નિહાળ્યું હતું.
રાઇઝિંગ ઓફ રાજકોટ ચિત્ર પ્રદર્શનમાં મળશે આ લ્હાવો
આ વેળાએ મુખ્યમંત્રીએ “રાઈઝિંગ રાજકોટ”ની થીમ હેઠળ રાજકોટ શહેરના 20 વર્ષના વિકાસની તસવીરી ઝલક ડૉ. શ્યામા પ્રસાદ આર્ટ ગેલેરી ખાતે જોવા મળશે ત્યારે રાઇઝિંગ ઓફ રાજકોટ ચિત્ર પ્રદર્શનમાં હવે તમે પણ PM સાથે તસવીર લઈ શકશો. સ્ક્રીન સામે ઉભા રહેતા જ એક ક્લિકમાં વડાપ્રધાન સાથેની તસ્વીર મળશે. ત્યારે મુખ્યમંત્રીએ આ લ્હાવો લીધો હતો.
આ પણ વાંચો :મુખ્યમંત્રીના હસ્તે રાજકોટમાં વિવિધ પ્રોજેક્ટસનું લોકાર્પણ: વર્કિંગ વિમેન હોસ્ટેલ, ભાદર લાઇનનું શિફ્ટિંગ, ફાયર સ્ટેશન, લાયબ્રેરીનું ખાતમુહૂર્ત
આ વેળાએ મુખ્યમંત્રીએ “રાઈઝિંગ રાજકોટ”ની થીમ હેઠળ રાજકોટ શહેરના 20 વર્ષના વિકાસની તસવીરી ઝલક સાથે વડાપ્રધાન નરેન્દ્રભાઈ મોદીના રાજકોટ સાથેના સંસ્મરણો, કલા અને સાહિત્ય ક્ષેત્રે રાજકોટનું અનેરું પ્રદાન, પાણીના સ્વાવલંબન ક્ષેત્રે કરેલી જળક્રાંતિ, ઉદ્યોગ જગતમાં રાજકોટનો અમૂલ્ય ફાળો દર્શાવતા ઔદ્યોગિક એકમોની મશીનરીના વર્કિંગ મોડલ, વડાપ્રધાન દ્વારા લિખિત પુસ્તકોની ઝાંખી, વર્ષ 2006થી લઈને વર્ષ 2025 સુધીના અર્બન ઈન્ફ્રાસ્ટ્રક્ચરના મોડલ સહિત જિલ્લાની વિકાસ યાત્રાને નિહાળીને રસપ્રદ માહિતી મેળવી હતી. વધુમાં રાજકોટ મ્યુનિસિપલ કમિશનર તુષાર સુમેરાએ મુખ્યમંત્રીને દૂરંદેશી વડાપ્રધાન નરેન્દ્રભાઈ મોદીના લોક કલ્યાણ કાર્યોના વિચારબીજ, ખાતમુહૂર્ત અને લોકાર્પણ તેમજ રાજકોટ જિલ્લાએ અર્બન ડેવલપમેન્ટ ક્ષેત્રે મેળવેલી સિદ્ધિઓ વિશે વિસ્તૃત જાણકારી પૂરી પાડી હતી.
મુખ્યમંત્રીએ ઉપસ્થિતોને વડાપ્રધાન દ્વારા લખાયેલા અને રાજકોટ ખાતેથી વિમોચન થયેલા “જ્યોતિ પુંજ” પુસ્તકમાંથી જનસેવા માટેના વિચારોને આત્મસાત કરવાની પ્રેરણા આપી હતી.
આ પ્રસંગે પ્રભારી મંત્રી જીતુભાઈ વાઘાણી, મેયર નયનાબેન પેઢડીયા, સાંસદ રામભાઈ મોકરીયા, ધારાસભ્ય સર્વે ઉદયભાઈ કાનગડ, રમેશભાઈ ટીલાળા, ભાનુબેન બાબરીયા, ડો.દર્શિતાબેન શાહ, ડેપ્યુટી મેયર નરેન્દ્રસિંહ જાડેજા, સ્ટેન્ડિંગ કમિટી ચેરમેન જયમીનભાઈ ઠાકર, શાસકપક્ષ નેતા મતી લીલુબેન જાદવ, શાસકપક્ષ દંડક મનીષભાઈ રાડીયા, અગ્રણીઓ સર્વે ભરતભાઈ બોઘરા, માધવભાઈ દવે, વિરેન્દ્રસિંહ ઝાલા, રાજુભાઈ ધ્રુવ, જિલ્લા કલેકટર ડૉ. ઓમ પ્રકાશ, જિલ્લા વિકાસ અધિકારી અનંદુ સુરેશ ગોવિંદ, ડી.સી.પી. જગદીશ બાંગરવા, નાયબ મ્યુનિસિપલ કમિશનર ચેતનભાઈ નંદાણી સહિતના વરિષ્ઠ અધિકારીઓ ઉપસ્થિત રહ્યા હતાં.
