દિલ્હી કાર વિસ્ફોટ : આત્મઘાતી બોમ્બર ડો.ઉમર મોહમ્મદની ઓળખ કેવી રીતે થઈ? પકડાઈ જવાની બીકે કર્યો આત્મઘાતી હુમલો
સોમવારે રાજધાની દિલ્હીના લાલ કિલ્લા પાસે કાર વિસ્ફોટની ઘટનાના સીસીટીવી ફૂટેજ પરથી આ આત્મઘાતી હુમલાખોર ફરીદાબાદનો ડોક્ટર ઉમર મોહમ્મદ હોવાનું ચિત્ર સ્પષ્ટ થયું છે. આ ઘટનાને આતંકવાદી કૃત્ય માની દિલ્હી પોલીસે UAPA હેઠળ ગુનો નોધી તપાસ હાથ ધરી છે. ડોક્ટર ઉમર મોહમ્મદ આતંકવાદના વ્હાઈટ કોલર મોડ્યુલનો સભ્ય હતો અને તપાસનીશ એજન્સીઓએ છેલ્લા અઠવાડિયા દરમિયાન પકડેલા ડોક્ટર અદીલ અહમદ રાથેર અને ડોક્ટર મુજમ્મીલ શકીલના નજીકનો સાથી હતો. પોલીસે આ મામલામાં તારિક અહેમદ મલિક, આમિર રાશિદ અને ઉમર રાશિદ નામના અન્ય ત્રણેય શંકાસ્પદોની સોમવારે રાત્રે જમ્મુ અને કાશ્મીરના પમ્પોરથી ધરપકડ કરી હતી.
🚨The car owner of Delhi Red Fort Blast has been identified as Dr. Mohammad Umar, a Pulwama-based doctor
— Nabila Jamal (@nabilajamal_) November 11, 2025
Police confirm his charred body has been recovered from the blast site near Delhi’s Red Fort and sent for DNA testing
CCTV shows Umar driving the Hyundai i20 that exploded… pic.twitter.com/kbdiLugZYN
દિલ્હીના લાલ કિલ્લા પાસે થયેલા ઘાતક કાર વિસ્ફોટમાં નવ લોકો માર્યા ગયા હતા અને 22, લોકો ઘાયલ થયા હતા. ઘટના બાદ પોલીસે કરેલા સીટીટીવી ફૂટેજ ના ચેકિંગમાં વિસ્ફોટ માટે ઉપયોગમાં લેવાયેલી HR 26CE7674 નંબર પ્લેટવાળી સફેદ સફેદ હ્યુન્ડાઇ i20 કારમાં ડૉ. ઉમર મોહમ્મદ નજરે પડ્યો હતો.
સીસીટીવી વીડિયો અને તસવીરો અનુસાર, આ કાર બદરપુર બોર્ડરથી દિલ્હીમાં પ્રવેશ્યા બાદ લાલ કિલ્લા પાસે પાર્કિંગ લોટમાં રોકાતા પહેલા આશ્રમ, સરાય કાલે ખાન અને આઈટીઓમાંથી પસાર થઈ હતી. કાર ત્રણ કલાકથી વધુ સમય માટે પાર્ક કરવામાં આવી હતી, બપોરે 3:19 વાગ્યે પ્રવેશ કર્યો હતો અને સાંજે 6:30 વાગ્યે નીકળી ગયો હતો. સૂત્રોના જણાવ્યા અનુસાર, ઉમરે એક મિનિટ માટે પણ કાર છોડી ન હતી.તે અન્ય કોઈના આવવાની અથવા તો કોઈના “આદેશ” ની રાહ જોતો હશે તેવું માનવામાં આવે છે.
તપાસકર્તાઓનું માનવું છે કે ઉમરને તેના સાથીઓની ધરપકડ અને 2900 કિલો વિસ્ફોટકો જપ્ત કરાયાની જાણ થયા બાદ તે ફરીદાબાદ થી ભાગી ગયો હતો પોલીસનું માનવું છે કે પકડાઈ જવાના ડરથી તે ગભરાઈ ગયો હતો અને અંતે આત્મઘાતી હુમલાને અંજામ આપ્યો હતો.
સૂત્રોના જણાવ્યા અનુસાર ઉમર મોહમ્મદ અને તેના સાથીઓએ હુમલો કરવા માટે એમોનિયમ નાઈટ્રેટ ફ્યુઅલ ઓઈલ (ANFO) નો ઉપયોગ કર્યો હતો. તેમણે કારમાં ડેટોનેટર મૂક્યું હતું અનેબાદમાં લાલ કિલ્લા નજીક ભીડભાડવાળા વિસ્તારમાં આતંકવાદી હુમલો કર્યો હતો.પોલીસે પૂછપરછ માટે જમ્મુ અને કાશ્મીરમાં તેની માતા અને ભાઈઓની પણ અટકાયત કરી છે.
સીસી ટીવી ફૂટેજ થકી ઓળખ મળી
સફેદ હ્યુન્ડાઇ i20 કારનો સીસીટીવી વીડિયો અને છબીઓ સામે આવી છે. HR 26CE7674 નંબરવાળી આ કાર કિલ્લાની નજીક પાર્કિંગમાં ત્રણ કલાકથી વધુ સમય માટે પાર્ક કરવામાં આવી હતી. લગભગ એક મિનિટની ક્લિપમાં કાર બદરપુર બોર્ડરમાં પ્રવેશતી દેખાય છે.અન્ય એક એક તસવીરમાં શંકાસ્પદ આત્મઘાતી બોમ્બરનો હાથ બારી પર રાખીને કાર પાર્કિંગમાં પ્રવેશતી દેખાય છે. બીજી એક તસવીરમાં કારનો ડ્રાઈવર જોઈ શકાય છે જેમાં તે વાદળી અને કાળા રંગની ટી-શર્ટ પહેરેલો દેખાય છે. ત્રીજા ફોટામાં રાષ્ટ્રીય રાજધાનીના વ્યસ્ત રસ્તા પર કાર દેખાય છે.
કોણ હતો ડૉક્ટર ઉમર મોહમ્મદ ?
૨૪ ફેબ્રુઆરી ૧૯૮૯ના રોજ જમ્મુ અને કાશ્મીરના પુલવામામાં જન્મેલા ઉમર મોહમ્મદ ફરીદાબાદની અલ ફલાહ મેડિકલ કોલેજમાં ડોક્ટર હતા. તેમણે શ્રીનગરની સરકારી મેડિકલ કોલેજ (GMC)માંથી એમડી (મેડિસિન)ની ડિગ્રી મેળવી હતી અને ફરીદાબાદ ટ્રાન્સફર થતાં પહેલાં જીએમસી અનંતનાગમાં સિનિયર રેસિડેન્ટ તરીકે સેવા આપી હતી. તે કથિત રીતે “વ્હાઇટ કોલર” આતંકવાદી મોડ્યુલના સોમવારે ધરપકડ કરાયેલા બે ડોક્ટરો અદીલ અહેમદ રાથેર અને મુજમ્મીલ શકીલનો નજીકનો સાથી હતો.
કારની માલિકી અનેક વખત બદલાઈ
તપાસમાં જાણવા મળ્યું છે કે કાર ઘણી વખત બદલાઈ ગઈ હતી. સૂત્રોના જણાવ્યા અનુસાર, આ કાર ગુરુગ્રામના રહેવાસી સલમાને માર્ચ 2025માં ઓખલામાં દેવેન્દ્ર નામના વ્યક્તિને વેચી હતી. ત્યારબાદ, દેવેન્દ્રએ તે અંબાલાના એક વ્યક્તિને વેચી દીધી. અંબાલાથી, કાર પુલવામા પહોંચી, જ્યાં આમિર, તારિક અને ઉમર રશીદ વચ્ચેના સંબંધો ઉભરી આવ્યા હતા. તપાસમાં જાણવા મળ્યું કે આમિરે કાર ઉમર મોહમ્મદને આપી હતી.
તપાસમાં જાણવા મળ્યું કે આમિરે કાર ઉમર મોહમ્મદને આપી હતી. એક તસવીરમાં, આમિર કારની ચાવી પકડીને દેખાય છે, જે કદાચ તેણે કાર ખરીદ્યા પછી લેવામાં આવી હશે. પોલીસે પકડેલો આમિર રશીદ મીર પ્લમ્બર તરીકે અને 44 વર્ષીય તારિક મલિક પુલવામામાં એક બેંકમાં સુરક્ષા ગાર્ડ તરીકે નોકરી કરતો હતો.
