દેવદિવાળી પછી લગ્નની શરણાઈ ગુંજશે: 1 મહિનામાં 40 હજાર લગ્ન, વેડિંગ ઇન્ડસ્ટ્રીઝમાં 25 ટકા ભાવ વધારો
દેવદિવાળી અને તુલસીવિવાહ પછી લગ્નની શરણાઈ ગુંજશે,તહેવારો પૂરાં થતાની સાથે સૌરાષ્ટ્રમાં લગ્નની મોસમ શરૂ થાય છે..દિકરી કે દીકરાનો એક પ્રસંગ પરિવાર સાથે વેડિંગ ઇન્ડસ્ટ્રીઝ સાથે જોડાયેલા આશરે 10,000થી વધુ લોકો માટે આવકનું સાધન બને છે.આથી,દિવાળી પછી લગ્નનાં શુભ મુહૂર્ત પર ગોર મહારાજથી લઈને ઇવેન્ટ પ્લાનર, કેટરર્સ, મંડપ ડેકોરેશન, ફોટોગ્રાફર સહિત વ્યવસાયકારોની મીટ મંડાયેલી હોય છે.
વિક્રમ સંવત 2082માં લગ્ન માટેનાં 58 મુહૂર્ત આવ્યાં છે જેમાં 16 નવેમ્બરથી કમુરતા સુધી એક મહિનામાં 20 જેટલાં મુહૂર્તમાં રાજકોટમાં એક અંદાજ મુજબ 40,000 જેટલાં લગ્નો નિરધાર્યા છે.દર વર્ષની સરખામણીએ 20 ટકા ઓછા લગ્ન હોવાનું મંડપસર્વિસનાં આયોજકોએ જણાવ્યું હતું.16 નવેમ્બરથી લગ્નગાળો શરૂ થશે,આ વર્ષે 20 ટકા પ્રસંગો ઓછાં છે તેમ છતાં શહેરનાં 120થી વધુ પાર્ટીપ્લોટ,હોલ,બેન્કવેટ, હોટેલોમાં ફુલ બુકીંગ છે.મિરર અને ફાઇબર થીમ સાથેનું ડેકોરેશન ઇન ટ્રેન્ડ છે.
આ પણ વાંચો : રાજકોટ એરપોર્ટનાં નવા ટર્મિનલમાં દરવાજો પડું…પડું..! કાચનો ગેટ પડે અને દુર્ઘટના થાય એ પહેલાં તંત્રને નજરે પડશે?
રાજકોટનાં જાણીતાં ગણેશ મંડપ સર્વિસનાં દિપકભાઈએ જણાવ્યું હતું કે,બે પ્રકારનાં લગ્ન રાજકોટમાં યોજાય છે જેમાં એક સિમ્પલ અને બીજા જાજરમાન પ્રસંગનું આયોજન થતું હોય છે.શિયાળાની સીઝનમાં સૌથી વધુ લગ્ન અને રીસેપ્શન થાય છે પણ આ વર્ષે જાજરમાન લગ્ન નહિવત છે.શુભ મુહૂર્ત એક મહિનામાં 20 જેટલા છે.જેમાં હવામાનમાં અચાનક ફેરફારને કારણે લોકોએ સૌથી વધુ બેંકવેટમાં લગ્ન રાખ્યા છે.રો મટિરિયલમાં ભાવ વધતાં વેડિંગ ઇન્ડસ્ટ્રીઝમાં થોડો ભાવ વધારો થયો છે.આ વર્ષે લાભપાંચમ પછી લગ્ન કરતાં ભાગવત સપ્તાહનાં આયોજનો થયા છે.
આ પણ વાંચો : ગુનાખોરીને ઇજન! વેપન પકડાય તેમાં મહત્તમ તો મૃતકોના નામે જ ચડી જાય, રાજકોટમાં ધાણીફૂટ ભડાકા થયા તેમાંથી પોલીસે ઘડો લેવા જેવું ખરું
રાજકોટ મંડપ એસો.નાં પ્રમુખ અને સૂરજ મંડપ સર્વિસનાં જીતુભાઈ સાપરિયાનાં જણાવ્યાં મુજબ,લગ્નો અને તેની સાથે યોજાયેલા પ્રસંગોમાં મિરર વર્ક,ફાઇબર થીમ પર ડેકોરેશન ઇન ટ્રેન્ડ છે.આ વર્ષે 25 ટકા ભાવ વેડિંગ ઇન્ડસ્ટ્રીઝ સાથે સંકળાયેલા તમામ સેકટરોમાં જોવા મળશે. જેનું કારણ દર્શાવતા તેઓ કહે છે કે, ડીઝલના ભાવ વધતા ટ્રાન્સપોર્ટેશન મોંઘું થયું છે.જેને પગલે મંડપ ડેકોરેશન થી લઈ કૅટર્સમાં ભાવ વધારો થયો છે.
