ટીમ ઈન્ડિયાની જીતનો સિલસિલો યથાવત : સુપર ઓવરમાં મેળવી ‘સુપર’ જીત,ભારત-શ્રીલંકા વચ્ચેની મેચ ટાઈ
2025 એશિયા કપમાં ટીમ ઈન્ડિયાના વિજયનો સિલસિલો ચાલુ રહ્યો હતો. છેલ્લી સુપર-4 મેચમાં,ભારતીય ટીમે શ્રીલંકાને સુપર ઓવરમાં હરાવ્યું હતું પ્રથમ બેિંટગ કરતા, ટીમ ઈન્ડિયાએ 20 ઓવરમાં 5 વિકેટે 202 રન બનાવ્યા હતા. જવાબમાં, શ્રીલંકા પણ તેમની નિર્ધારિત ઓવરમાં 5 વિકેટે માત્ર 202 રન જ બનાવી શક્યું હતું. શ્રીલંકા માટે પથુમ નિસાન્કાએ સદી ફટકારી 58 બોલમાં 107 રન બનાવ્યા હતા. ત્યારબાદ, 2025 એશિયા કપનો પહેલી સુપર ઓવર બંને ટીમો વચ્ચે રમાઇ હતી. શ્રીલંકા સુપર ઓવરમાં માત્ર બે રન જ બનાવી શક્યું જે પછી ભારતે માત્ર ત્રણ બોલમાં મેચ જીતી લીધી. આમ, ટીમ ઈન્ડિયા 2025 એશિયા કપમાં ફાઇનલ પહેલા અજેય રહી હતી.
સુપર ઓવરમાં ભારત તરફથી અર્શદીપ િંસહ બોિંલગ કરવા આવ્યો જ્યારે શ્રીલંકા તરફથી કુસલ પરેરા અને દુસાન શનાકાએ શરૂઆત કરી હતી મેચમાં સદી બનાવનાર પથુમ નિસાન્કાનો સુપર ઓવરમાં સમાવેશ કરવામાં આવ્યો ન હતો. કુસલ મેન્ડિસ ત્રીજો બેટ્સમેન હતો. અર્શદીપે પહેલા બોલ પર કુસલ પરેરાને આઉટ કર્યો પછી બીજા બોલ પર એક રન બન્યો. ત્રીજો બોલ ડોટ હતો. શ્રીલંકાએ ચોથા બોલ પર તેની બીજી અને અંતિમ વિકેટ ગુમાવી દીધી હતી.
ત્યારબાદ ભારતના કેપ્ટન સૂર્યકુમાર યાદવ અને શુભમન ગિલે ઇિંનગ્સની શરૂઆત કરી હતી. શ્રીલંકાએ બોલ વાનિન્દુ હસરંગાને સોંપ્યો હતો. ભારતે પહેલા બોલ પર ત્રણ રન બનાવીને મેચ જીતી લીધી. સુપર ઓવરમાં સૂર્યકુમાર યાદવે ભારત માટે વિજયી શોટ ફટકાર્યો હતો.
આ પહેલા ભારતે અભિષેક શર્માના 31 બોલમાં 61 રન, સંજુ સેમસનના 23 બોલમાં 39 રન અને તિલક વર્માના 34 બોલમાં અણનમ 49 રનની મદદથી 20 ઓવરમાં 5 વિકેટે 202 રન બનાવ્યા હતા. જવાબમાં શ્રીલંકા પણ 20 ઓવરમાં 202 રન જ બનાવી શક્યું હતું. શ્રીલંકા તરફથી પથુમ નિસાન્કાએ 58 બોલમાં 107 રન બનાવ્યા હતા. જોકે, તેની સદી વ્યર્થ ગઈ હતી.
