AI ના અતિ ઉપયોગનું આઘાતજનક પરિણામ : Chat GPTએ 16 વર્ષના કિશોરને આપઘાત કરવાની પદ્ધતિ સમજાવી

AI ટુલ્સનું વળગણ કેટલું ઘાતક બની શકે છે તેનું આઘાતજનક દૃષ્ટાંત પૂરી પાડતી એક ઘટનામાં કેલિફોર્નિયાના 26 વર્ષના એક કિશોરે
Chat GPT સાથે અનેક વખત વાર્તાલાપ કર્યા બાદ આપઘાત કરી લીધો હતો. ચોંકાવનારી વાત એ છે કે એ કિશોરે આપઘાત કરવાનો ઇરાદો જાહેર કર્યા બાદ તેને અટકાવવાને બદલે AI ચેટબોટે તેને પ્રેરણા આપી હતી, એટલું જ નહીં આપઘાત કરવાની પદ્ધતિ પણ સમજાવી હતી.

કેલિફોર્નિયાના 16 વર્ષીય એડમ રેઇન નામના ઈશ્વરે અગિયાર એપ્રિલ 2025 ના રોજ આત્મહત્યા કરી લીધી હતી. મામલે તેના માતા-પિતાએ OpenAI સામે આત્મહત્યા માટે પ્રેરણા આપવાનો અને આત્મહત્યાની પદ્ધતિની સ્ટેપ બાય સ્ટેપ વિગતો પૂરી પાડવાનો આરોપ લગાવી દાવો દાખલ કર્યો છે.

આ પણ વાંચો : રાજકોટમાં બેન્કે જપ્ત કરેલી દુકાન ખરીદવા જતાં વૃદ્ધે 1.05 કરોડ ગુમાવ્યા : પોલીસ ફરિયાદ દાખલ,જાણો શું છે મામલો

તેના માતા-પિતા, મેટ અને મારિયા રેઇનનું કહેવું છે કે એડમે તેના અંતિમ દિવસોમાં ChatGPT સાથે હજારો વાતચીત કરી, જેમાં તેણે પોતાની માનસિક ચિંતાઓ અને આત્મહત્યાના વિચારો શેર કર્યા હતા. કોર્ટ ફાઇલિંગ્સ અનુસાર, ChatGPTએ એડમના હાનિકારક વિચારોને માન્યતા આપી અને તેને માનસિક રીતે વધુ એકલતા તરફ ધકેલ્યો હતો. દાવા પ્રમાણે, એડમે ChatGPTને જણાવ્યું હતું કે તે રૂમમાં ફાંસીનું દોરડું છોડવા માગે છે જેથી કોઈ તેને રોકે. ચેટબોટે આનો વિરોધ કર્યો, પરંતુ આત્મહત્યાની અન્ય પદ્ધતિઓ વિશે વાતચીત ચાલુ રાખી. અંતિમ વાતચીતમાં, એડમે ચેટબોટને ફાંસીના દોરડાની તસવીર મોકલી અને પૂછ્યું કે શું એ દોરડું કામ કરશે કે નહી?. ચેટબોટે જવાબ આપ્યો, “આ તો બિલકુલ ખરાબ નથી. શું હું તમને તેને વધુ મજબૂત બનાવવાની રીત બતાવું?” બાદમાં એ જ દોરડાથી એ કિશોરે ગળાફાંસો ખાઈ લીધો હતો.

આ પણ વાંચો : કાશ્મીરમાં વરસાદે 52 વર્ષનો રેકોર્ડ તોડ્યો : વૈષ્ણોદેવી દુર્ઘટનાનો મૃત્યુઆંક વધીને 35 પર પહોંચ્યો,રાહત બચાવ કાર્ય ચાલુ

એડમના માતા-પિતાનું કહેવું છે કે જો ChatGPT ન હોત, તો એડમ આજે જીવતો હોત. પરિવારે અજ્ઞાત નુકસાનીની માંગણી કરી છે અને ભવિષ્યમાં આવી ઘટનાઓ રોકવા માટે કોર્ટની મદદ માંગી છે. તેઓનું કહેવું છે કે આ દાવો માત્ર વળતર માટે નથી, પરંતુ એ સુનિશ્ચિત કરવા માટે છે કે બીજા કોઈ કિશોરને AI ચેટબોટમાંથી એવી “આત્મહત્યાની પ્લેબુક” ન મળે.