સૌરાષ્ટ્રના બદલાયેલા મહત્તમ SPમાં કદાચ કડક ટાસ્ક રહેશે : સુરતના DCPવિજયસિંહ ગુર્જરને રાજકોટ રૂરલ SPનો સ્વતંત્ર હવાલો
રાજ્યના SP કેડરના પોલીસ ઓફિસર્સની થયેલી બદલીઓમાં સૌરાષ્ટ્રના મહત્તમ SP બદલાયા છે. રાજકોટ રૂરલ SP હિમકરસિંહની ટૂંકાગાળામાં બદલી થઈ છે. તેમના સ્થાને સુરત DCP ઝોન-૪ વિજયસિંહ ગુર્જરને રાજકોટ રૂરલ SPનો સ્વતંત્ર હવાલો સોંપાયો છે. રાજકોટ એસઆરપી ગ્રૂપ-13ના કમાન્ડન્ટ તરીકે અમદાવાદ DCP પીજી જાડેજાનું પોસ્ટિંગ થયું છે. રાજકોટ રૂરલ એરિયામાં છેલ્લા છએક માસથી વધુ સમયથી ગોંડલ અને રીબડા વચ્ચે બનતી ઘટનાઓ અવારનવાર ચર્ચામાં રહ્યા કરી છે. તાજેતરમાં ગત માસે રીબડા પેટ્રોલપંપ પર થયેલા ખુલ્લેઆમ ફાયરિંગ બાદ રાજકોટ રૂરલ પોલીસને કાયદો-વ્યવસ્થા માટે સીધો પડકાર જ બન્યો હતો.
છેલ્લા છ માસથી રાજકોટ પી.જી. જાડેજા રૂરલ પોલીસ ગોંડલ અને રીબડાના બનાવો વચ્ચે જ દોડતી રહી હોય તેવું ચિત્ર બન્યું હતું. આવા કારણોસર કદાચ ટૂંકાગાળામાં SPની બદલી થઈ હોવાની ચર્ચા છે. નવા SP વિજયસિંહ ગુર્જરની સુરત DCP તરીકે દોડતા અને પ્રમાણિક કડક અધિકારીની છાપ છે. રાજકોટ રૂરલ SP પદે તેઓ સિનિયર્સ ઓફિસરની સાથે વાતચીત, સૂચના બાદ ચાર્જ સંભાળશે તેવું ‘વોઈસ ઓફ ડે’ સાથે વાતચીતમાં કહ્યું હતું. મોરબીના નવા SP તરીકે સરળ ગણાતા મુકેશકુમાર પટેલ મુકાયા છે. જ્યારે ગીર-સોમનાથ SP મનોહરસિંહ જાડેજાની બદલી અરવલ્લી-મોડાસા SP તરીકે થતા ત્યાં જયદીપસિંહ જાડેજા મુકાયા છે. જામનગર SP પ્રેમસુખ ડેલુને સેન્સિટિવ જેવા સુરેન્દ્રનગર SP તરીકે મુકવામાં આવ્યા છે. ભાવનગરમાં પણ કડક છાપ કે ગેરકાયદે બાંધકામોનો કડુસલો બોલાવનારા દેવભૂમિ દ્વારકાના નીતિષ પાંડેનું પોસ્ટિંગ થયું છે.
ભાવનગર SP ડો.હર્ષદ પટેલની અમદાવાદ સિટી DCP તરીકે બદલી થઈ છે. SP કેડરના અધિકારીઓની બદલી થયા બાદ હવે રેન્જમાં કે આવા ઉચ્ચ સ્થાનોમાં ફેરફાર આવવાની સંભાવનાઓ છે. બદલીઓનો આરંભથતાં લાંબા સમયથી બદલીઓની રાહમાં રહેલા ડીવાયSP અને PI કક્ષાના અધિકારીઓને પણ હવે બદલીઓ થશે કે નવા પોસ્ટિંગ મળશે તેવી અ । શા બંધાઈ છે.
