સૌરાષ્ટ્ર યુનિવર્સિટીના વાઈસ ચાન્સેલર મિસિંગ, આવું પોસ્ટર લગાવી ABVPના કાર્યકરો કેમ કરી રહ્યા હતા વિરોધ?

સૌરાષ્ટ્ર યુનિવર્સિટીમાં ફાર્મસીમાં અભ્યાસ કરતા છાત્રોને ફાર્મ-ડીના અભ્યાસ બાદ ડિગ્રી સર્ટિફિકેટમાં ડોક્ટર ઓફ ફાર્મસી ઉલ્લેખ કરવા લાંબા સમયથી માંગણી કરવામાં આવી રહી હોવા છતાં પણ સૌરાષ્ટ્ર યુનિવર્સિટી દ્વારા ડિગ્રી સર્ટિફિકેટમાં ફાર્મ-ડી જ લખવામાં આવી રહ્યું હોવાથી અખિલ ભારતીય વિદ્યાર્થી પરિષદ દ્વારા ઉગ્ર રજુઆત કરવામાં આવી હતી. રજુઆત સમયે કુલપતિ હાજર ન હોવાથી વિદ્યાર્થી સંગઠને મિસિગ કુલપતિનું પોસ્ટર પણ ચીપકાવ્યું હતું.

પ્રાપ્ત વિગતો મુજબ સૌરાષ્ટ્ર યુનિવર્સિટીમાં તેમજ સલંગ્ન કોલેજમાં ફાર્મસીનો અભ્યાસ કરતા વિદ્યાર્થી-વિદ્યાર્થીનીઓને ફાર્મ-ડીનો અભ્યાસ બાદ આપવામાં આવતા ડિગ્રી સર્ટિફિકેટમાં ડોક્ટર ઓફ ફાર્મસીના બદલે ફાર્મ-ડી ઉલ્લેખ કરવામાં આવતો હોવાથી લાંબા સમયથી ડિગ્રી સર્ટિફિકેટમાં ડિગ્રી લખવાની પ્રણાલીમાં ફેરફાર કરવા ABVP દ્વારા માંગ કરવામાં આવી રહી છે. જો કે, વારંવારની રજુઆત બાદ પણ સૌરાષ્ટ્ર યુનિવર્સિટીના સત્તાધીશો દ્વારા આ બાબતે ધ્યાન આપવામાં ન આવતા મંગળવારે ABVP દ્વારા છાત્રોને સાથે રાખી ઉગ્ર રજુઆત કરવામાં આવી હતી.

આ પણ વાંચો : રામનાથ મહાદેવ મંદિરે ભાવિકોને કોઈ મુશ્કેલી ન પડે તેનું ધ્યાન રાખજો : રાજકોટ મનપાના પદાધિકારીઓએ સુચના આપી

દરમિયાન રજુઆત સમયે સૌરાષ્ટ્ર યુનિવર્સિટીના કુલપતિ અને રજિસ્ટ્રાર હાજર ન હોવાથી અખિલ ભારતીય વિદ્યાર્થી પરિષદ દ્વારા સુત્રોચાર કરવામાં આવ્યા હતા બાદમાં સૌરાષ્ટ્ર યુનિવર્સિટીના સત્તાધીશોને રજુઆત કરવામાં આવી હતી અને રજુઆત સમયે સૌરાષ્ટ્ર યુનિવર્સિટીના કુલપતિના ફોટો નીચે મિસિગ વીસી લખલું પોસ્ટર દરવાજા ઉપર લગાવી રોષ પણ વ્યક્ત કરવામાં આવ્યો હતો. રજુઆત સમયે ABVPના ધરમ સોઢીયા સહિતના આગેવાનો સાથે રહ્યા હતા.