બૂટલેગરો બેખૌફ ?? એક ટ્રક દારૂ પકડાયાના પાંચમાં દિવસે બીજો 66.57 લાખનો દારૂ મંગાવ્યો

સૌરાષ્ટ્રમાં દ્વારકા પંથકના બૂટલેગર્સ ૧૦૦ ક લાકના કે હાલ રાજ્યભરમાં પોલીસના ચાલી રહેલા અસામાજિક તત્વો પરના એક્શન વચ્ચે પણ બેખૌફ હોય તેમ પાંચ દિવસ પહેલાં જ દેવભૂમિ દ્વારકા પંથકના બૂટલેગરે મંગાવેલો ૪૪.૧૯ લાખનો દારૂનો જથ્થો એસએમસીએ પકડી પાડયાના પાંચ દિવસ બાદ ફરી દ્વારકા પંથકના જ બૂટલેગરે મંગાવેલો ૬૬.૫૭ લાખના દારૂ ભરેલો ટ્રક સૌરાષ્ટ્રમાં પ્રવેશે કે મુળ સ્થળે પહોંચે એ પૂર્વે જ ગોધરા પાસેથી ઝડપી લીધો છે.

રાજસ્થાન તરફથી વિદેશી દારૂ ભરેલો ટ્રક આવી રહ્યાની માહિતીના આધારે સ્ટેટ મોનિટરિંગ સેલના ડીવાયએસપી કે.ટી. કામરિયાના માર્ગદર્શન હેઠળ પીએસઆઈ એ.વી. પટેલ અને ટીમે ગોધરા હાઈ-વે પર વોચ ગોઠવી હતી. ટોરસ (મોટો ટ્રક)ને અટકાવી તલાશી લીધી હતી. ઉપરના ભાગે સોયાબીન ભરેલા કોથળાઓ વચ્ચે દારૂનો દારૂના જથ્થો સંતાડીને લઈ જવાતો હતો. ટ્રકમાંથી ૬૬,૫૭,૭૪૦ની કિંમતની ૧૬,૭૩૦ બોટલ વિદેશી દારૂ મળી આવ્યો હતો.

વિદેશી દારૂનો જથ્થો હાથ લાગતા ટ્રકચાલક પોરબંદરના રાણાવાવના રાજુ ઉર્ફે દેવો ખીમાભાઈ મોરીને ઝડપી લીધો હતો. ૩૭૫ સોયાબીનની બેગ, ૩૦ લાખનો ટ્રક, ૬૬.૫૭

લાખનો દારૂ, મે બોમાઈલ ફોન, રોકડ મળી ૯૭,૦૯૨૫૦નો મુદ્દામાલ કબજે લેવાયો હતો. ટ્રકચાલકની પૂછતાછમાં દારૂનો જથ્થો દેવભૂમિ દ્વારકાના ભાણવડના પસ્તર ગામના બૂટલેગર રાજુ અમરાભાઈ કોડિયાતરે મંગાવ્યો હતો. બૂટલેગર રાજુ તેમજ ટ્રકમાલિક પોરબંદરના ઓડદરના ભાવેશ મેરામણ કોડિયાતર તથા રાજસ્થાનથી લાખોનો દારૂનો સપ્લાય કરનાર સામે એસએમસીએ ગોધરા પોલીસ મથકે ગુનો નોંધાવ્યો હતો.

એસએમસીએ જ પાંચ દિવસ પહેલાં ગત તા.૧૯ની રાત્રીએ રાજકોટ જિલ્લાના જામકંડોરણાના રાજપરા ગામે વાડીમાંથી કટિંગ થાય તે પૂર્વે જ ૪૪.૧૯ લાખનો વિદેશી દારૂ સાથે ટૂંક પકડી પાડયો હતો જેમાં પણ દેવભૂમિ દ્વારકાના રાણપર ગામના બૂટલેગર અરજણ આલા કોડિયાતર તથા જામનગરના શખસોએ મળી જથ્થો મંગાવ્યો હોવાનું ખૂલ્યું હતું. લાખોનો દારૂ પકડાયા બાદ પણ દ્વારકા પંથકના જ અન્ય બૂટલેગરે જ મોટો જથ્થો મંગાવતા સ્થાનિક પોલીસનો ડર નહીં હોય અથવા તો ગોઠવાઈ જશે તેવું હશે ? જો કે આ વખતે । પણ એસએમસી જ ફરી સફળ રહી હતી. છ દિવસમાં જ દ્વારકાના કોડિયાતર બંધુનો ૧.૧૮ કરોડનો દારૂ એસએમસીને હાથ લાગ્યો છે.