બ્રિટનમાં ભારે વરસાદ અને પૂર 400 વખત વીજળી પડી : હજારો લોકો ફસાયા; ભારે નુકસાની

બ્રિટનના દક્ષિણ ઇંગ્લેન્ડ અને ઇસ્ટ મિડલેંડ્સમાં ખરાબ હવામાને ભારે તાંડવ મચાવ્યું છે અચાનક થયેલા ભારે વરસાદ અને પૂરને લીધે ભારે નુકસાન થયું છે. કરા અને વીજળી પડવાને કારણે અનેક વિસ્તારોમાં પૂર આવ્યું છે. હજારો લોકો પર અસર થઈ છે.આકાશમાંથી વીજળી પડવાની ૪૦૦ ઘટનાઓથી લોકો ભયભીત બની ગયા હતા.

હવામાન વિભાગે જણાવ્યું છે કે વરસાદ ૨૦ મિનિટથી લઇને એક કલાક સુધી ચાલુ રહ્યો હતો. હવામાન વિભાગે ભવિષ્યવાણી કરી છે કે વધતા કલાયમેટ ચેન્જને કારણે આવી ઘટનાઓ વધવાની સંભાવના છે.

કેટલાક વિસ્તારો બંધ કરાયા

બ્રિટનના હવામાન વિભાગે જણાવ્યું છે કે કેટલાક વિસ્તારોમાં પૂર પણ આવ્યું છે. જ્યારે નેશનલ હાઇવેએ જણાવ્યું છે કે શનિવારના યોર્કશાયરમાં એમ-૧૮ના કેટલાક ભાગ બંધ કરી દેવામાં આવ્યા હતાં.

વાર્વિકની પાસે એમ-૪૦ના કેટલાક ભાગોને પણ બંધ રાખવામાં આવ્યા હતાં. હવામાન વૈજ્ઞાાનિક એલી ગ્લેઝિયરે જણાવ્યું હતું કે લંડન અને બકિઘમશાયરના કેટલાક વિસ્તારોમાં ભારે વરસાદ સાથે તોફાન આવ્યું હતું.

ક્યાંક ૧ કલાક સુધી વરસાદ રહ્યો

તેમણે એ પણ જણાવ્યું હતું કે વરસાદનું સ્તર મહત્તમ ૧૦ થી ૧૫ મિલીમીટરની વચ્ચે હતું અને આ વરસાદ ૨૦ મિનિટથી લઇને એક કલાક સુધી ચાલુ રહ્યું હતું.

હવામાન વિભાગે જણાવ્યું હતું કે શનિવારે લગભગ ૩૦૦ થી ૪૦૦ વીજળી પડવાની ઘટનાઓ જોવા મળી હતી. આ ઘટના એવા સમયે જોવા મળી છે જ્યારે બ્રિટનમાં ૧૯૭રપછીનો સૌથી ગરમ દિવસ જોવા મળ્યો હતો.