સૂર્યવંશમ ફેમ એક્ટ્રેસ સૌંદર્યાની આ કારણોસર થઈ હતી હત્યા : મૃત્યુના 22 વર્ષ બાદ ખૂલ્યો રાઝ, વાંચો સમગ્ર ઘટના
અમિતાભ બચ્ચનની આઇકોનીક ફિલ્મમાંની એક ફિલ્મ સૂર્યવંશમ પણ છે જે બધાએ જોઈ હશે. આ ફિલ્મ ટીવી પર એટલી બધી વાર બતાવવામાં આવી છે કે હવે બધાને તેનું દરેક પાત્ર યાદ છે. આ ફિલ્મ રમૂજી રૂપે પણ સોશિયલ મીડિયામાં વાયરલ થઈ છે. આ ફિલ્મમાં, અમિતાભની પ્રેમિકા રાધાની ભૂમિકા દક્ષિણ ભારતીય અભિનેત્રી સૌંદર્યાએ ભજવી હતી. સૌંદર્યાએ ઘણી તેલુગુ ફિલ્મોમાં કામ કર્યું છે, પરંતુ તે હિન્દી ફિલ્મ ઇન્ડસ્ટ્રીમાં સૂર્યવંશમ ફિલ્મથી પ્રખ્યાત થઈ. આ અભિનેત્રીના મૃત્યુનો ભેદ 22 વર્ષ બાદ ઉકેલાયો છે.
આ રીતે સૌંદર્યાનું મૃત્યુ થયું
જોકે, સૌંદર્યાનું મૃત્યુ વિમાન દુર્ઘટનામાં થયું. તે સમયે અભિનેત્રી ગર્ભવતી પણ હતી. હવે, અભિનેત્રીના મૃત્યુના 22 વર્ષ પછી, પીઢ ટોલીવુડ અભિનેતા મોહન બાબુ વિરુદ્ધ ફરિયાદ દાખલ કરવામાં આવી છે. તેના પર સુંદરીના મૃત્યુમાં સામેલ હોવાનો આરોપ છે. આ બાબતે અભિનેતા વિરુદ્ધ હત્યાનો આરોપ લગાડવામાં આવ્યો છે.
સૌંદર્યાનું ૧૭ એપ્રિલ ૨૦૦૪ના રોજ એક ખાનગી વિમાન દુર્ઘટનામાં અવસાન થયું. અહેવાલો અનુસાર, અભિનેત્રી કરીમનગરમાં ભારતીય જનતા પાર્ટી અને તેલુગુ દેશમ પાર્ટીના રાજકીય પ્રચાર કાર્યક્રમમાં હાજરી આપવા જઈ રહી હતી, જેમાં તેના ભાઈનું પણ મૃત્યુ થયું. તે સમયે સૌંદર્યાનો મૃતદેહ પણ મળી શક્યો ન હતો.
એક અહેવાલ મુજબ, ૨૨ વર્ષ પછી ફરિયાદ દાખલ કરવામાં આવી છે જેમાં દાવો કરવામાં આવ્યો છે કે સૌંદર્યાનું મૃત્યુ અકસ્માત નહીં પણ હત્યા હતી જે મોહન સાથે મિલકતના વિવાદને કારણે થઈ હતી.
રિપોર્ટ અનુસાર, ફરિયાદીએ મોહન બાબુ પર આરોપ લગાવ્યો હતો કે તેમણે દુ:ખદ વિમાન દુર્ઘટના પછી ભાઈ-બહેનોને જમીન વેચવા માટે દબાણ કર્યું હતું અને ગેરકાયદેસર રીતે તેના પર કબજો કર્યો હતો. ફરિયાદીની ઓળખ ચિત્તિલમ તરીકે થઈ છે જેમણે ખમ્મમ એસીપી અને ખમ્મમ જિલ્લા મેજિસ્ટ્રેટ બંને સમક્ષ ફરિયાદ નોંધાવી હોવાનું કહેવાય છે.
ફરિયાદમાં માન્ચુ પરિવારમાં ચાલી રહેલા વિવાદ વિશે પણ વાત કરવામાં આવી છે, જેમાં માન્ચુ મનોજ માટે ન્યાય અને જલપલ્લીમાં 6 એકરના ગેસ્ટહાઉસને જપ્ત કરવાની માંગ કરવામાં આવી છે. આ ઉપરાંત ફરિયાદીએ કહ્યું છે કે મોહન બાબુના કારણે તેમના જીવને જોખમ છે અને તેમણે પોલીસ સુરક્ષાની પણ માંગણી કરી છે.
