હું સૌથી ધનિક વ્યક્તિ છુ !! કરોડો માતા-દીકરીઓના આશીર્વાદ મારી સાથે છે : નવસારીમાં PM મોદીએ અનેક વિકાસ કાર્યોનું કર્યું ઉદ્ઘાટન

વડાપ્રધાન મોદીની ગુજરાત મુલાકાતનો આજે બીજો દિવસ છે. નવસારીમાં લખપતિ દીદી સાથે પીએમ મોદીએ સંવાદ કર્યો છે,લગભગ 30 મિનિટ સુધી આ સંવાદ કર્યો હોવાની વાત સામે આવી છે,10 લખપતિ દીદી સાથે વુમેન્સ ડેના દિવસે પીએમ મોદીએ સંવાદ કર્યો હતો. ,મુ્ખ્યમંત્રી ભૂપેન્દ્ર પટેલ અને સી.આર.પાટીલ આ સંવાદમાં હાજર રહ્યાં હતા.વજે બાદ વડાપ્રધાન સભા મંડપમાં જઇને જનમેદનનીને સંબોધન કર્યું હતું.

વાંસી-બોરસીમાં ‘લખપતિ દીદી’ કાર્યક્રમને સંબોધિત કરતા પીએમ મોદીએ કહ્યું કે, ” મહાકુંભમાં માતા ગંગાના આશીર્વાદ મળ્યા હતા અને આજે માતૃશક્તિના આ મહાકુંભમાં તેમને બધી માતાઓ અને બહેનોના આશીર્વાદ મળ્યા છે. આજે, મહિલા દિવસ પર, મારી માતૃભૂમિ ગુજરાતમાં આટલી મોટી સંખ્યામાં બધી માતાઓ, બહેનો અને પુત્રીઓ તરફથી મળેલા પ્રેમ, સ્નેહ અને આશીર્વાદ માટે માતૃશક્તિને નમન કરૂ છું.”

પીએમએ કહ્યું કે, આજનો દિવસ દરેક માટે મહિલાઓ પાસેથી પ્રેરણા લેવાનો અને તેમની પાસેથી શીખવાનો છે. તમામ મહિલાઓને અભિનંદન અને આભાર માનતા પીએમ મોદીએ કહ્યું કે, તેઓ ગર્વથી કહી શકે છે કે, તેઓ વિશ્વના સૌથી ધનિક વ્યક્તિ છે. તેમના જીવનના વૃત્તાંત પર કરોડો માતાઓ, બહેનો અને પુત્રીઓના આશીર્વાદ છે અને તે સતત વધી રહ્યો છે.

શાસ્ત્રોમાં સ્ત્રીઓને નારાયણીનો દરજ્જો

પીએમ મોદીએ કહ્યું કે, શાસ્ત્રોમાં સ્ત્રીને નારાયણી કહેવામાં આવી છે. મહિલાઓ માટે આદર એ સમાજ અને દેશના વિકાસ તરફનું પ્રથમ પગલું છે, તેથી ભારતે વિકસિત દેશ બનવા અને ઝડપી વિકાસ માટે મહિલાઓના નેતૃત્વ હેઠળના વિકાસના માર્ગ પર આગળ વધ્યું છે. તેમની સરકાર મહિલાઓના જીવનમાં સન્માન અને સુવિધા બંનેને સર્વોચ્ચ પ્રાથમિકતા આપે છે.

દેશમાં મહત્વપૂર્ણ હોદ્દાઓ પર મહિલાઓની ભાગીદારી વધી

તેમણે કહ્યું કે, રાજકારણ હોય કે રમતગમત ક્ષેત્ર, ન્યાયતંત્ર હોય કે પોલીસ, મહિલાઓ દેશના દરેક ક્ષેત્ર અને પરિમાણમાં જંડો લહેરાવી રહી છે. 2014 થી, દેશમાં મહત્વપૂર્ણ હોદ્દાઓ પર મહિલાઓની ભાગીદારી ઝડપથી વધી છે. 2014 થી, કેન્દ્ર સરકારમાં સૌથી વધુ મહિલાઓ મંત્રી બની અને સંસદમાં પણ મહિલાઓની હાજરીમાં મોટો વધારો થયો છે.

વિકસિત ભારતનો સંકલ્પ પૂર્ણ થશે

પ્રધાનમંત્રીએ કહ્યું કે, નવસારીના આ કાર્યક્રમમાં મહિલા શક્તિની શક્તિ જોઈ શકાય છે. આ કાર્યક્રમની સંપૂર્ણ જવાબદારી મહિલાઓએ લીધી છે. આટલા મોટા કાર્યક્રમની સુરક્ષા માટે તૈનાત તમામ પોલીસકર્મીઓ અને અધિકારીઓ મહિલાઓ છે. કોન્સ્ટેબલ, એસપી, ડીએસપીથી લઈને વરિષ્ઠ અધિકારીઓ સુધી, મહિલાઓ અહીં સુરક્ષા વ્યવસ્થા સંભાળી રહી છે. આ મહિલા સશક્તિકરણની શક્તિનું એક ઉદાહરણ છે. આપ સૌને મળવાથી મારો વિશ્વાસ મજબૂત થાય છે કે ભારતનો વિકાસ કરવાનો સંકલ્પ પૂર્ણ થશે અને મહિલા શક્તિ તેમાં મોટી ભૂમિકા ભજવશે.

જણાવી દઈએ કે, નવસારીમાં લખપતિ દીદી કાર્યક્રમને સંબોધતા પહેલા પીએમ મોદીએ G-SAFAL અને G-MAITRI સહિત વિવિધ યોજનાઓ લોન્ચ કરી હતી.