VIDEO : લંડનમાં એસ.જયશંકર પર હુમલાનો પ્રયાસ, વિદેશમંત્રીની ગાડી સામે ભારતનો ત્રિરંગો ફાડ્યો
વિદેશમંત્રી એસ જયશંકર હાલ તેમની 6 દિવસીય બ્રિટન અને આયરલેન્ડની યાત્રા પર છે. બુધવારે તેમણે બ્રિટનના વડાપ્રધાન કીર સ્ટાર્મર સાથે મુલાકાત કરી હતી. વિદેશમંત્રી લંડનમાં થિંક ટેન્ક ચૈથમ પહોંચતા પહેલા જ અગાઉથી કેટલાક ખાલિસ્તાન સમર્થકો ત્યાં હાજર હતા. તેઓ દેશ વિરોધી નારા લગાવી રહ્યા હતા. જો કે તેઓ જ્યારે ચૈથમ હાઉસથી રવાના થઈ રહ્યા હતા ત્યારે તેમના પર હુમલાનો કોશિશ કરવામાં આવી.
ક્યારે બની ઘટના?
ઉલ્લેખનીય છે કે વિદેશ મંત્રી જયશંકર ચૅથમ હાઉસ પહોંચે તે પહેલાં કેટલાક ખાલિસ્તાની સમર્થકો ત્યાં પહોંચી ગયા હતા. તેમણે દેશ વિરોધી નારેબાજી કરવાની શરૂઆત કરી દીધી હતી. આ દરમિયાન જ્યારે જયશંકર જ્યારે ચેથમ હાઉસથી નીકળી રહ્યા હતા ત્યારે જ તેમના પર હુમલો કરવાનો પ્રયાસ કરવામાં આવ્યો.
એસ.જયશંકર સામે શખશે તિરંગાનું અપમાન કર્યું
એક અહેવાલ અનુસાર એક વ્યક્તિ જયશંકરની ગાડી સામે આવીને તિરંગાને ફાડવા લાગ્યો હતો. વ્યક્તિની આ હરકત જોયા બાદ સુરક્ષાકર્મીઓએ તેને તાત્કાલિક પકડી પાડ્યો હતો અને ગાડીથી દૂર લઈ ગયા. જ્યારે એકબાજુ અમુક ખાલિસ્તાની સમર્થકો પોતાના હાથમાં ખાલિસ્તાનનો ઝંડો લઈને નારેબાજી કરવા લાગ્યા હતા.
🚨 : Khalistani goons attempt to heckle India’s External Affairs Minister @DrSJaishankar in London while he was leaving in a car. A man can be seen trying to run towards him, tearing the Indian national flag in front of cops. Police seem helpless, as if ordered to not act. pic.twitter.com/zSYrqDgBRx
— THE SQUADRON (@THE_SQUADR0N) March 5, 2025
PoK મળતાં જ કાશ્મીરનો મુદ્દો ઉકેલાઈ જશે
ઉલ્લેખનીય છે કે જ્યારે સ્વતંત્ર નીતિ સંસ્થાન ચેથમ હાઉસમાં કાશ્મીર મુદ્દે વિદેશમંત્રીને સવાલ કરાયો તો તેમણે કહ્યું કે પાકિસ્તાનના કબજા હેઠળનું કાશ્મીર ખાલી કરવાથી કાશ્મીરના મુદ્દાનો ઉકેલ આવી જશે. કાશ્મીરમાં મોટાભાગના મુદ્દાઓને ઉકેલવા અમારી સરકારે સારું કામ કર્યું છે. મને લાગે છે કે કલમ 370 હટાવવી એ એક સારું પગલું હતું. હવે પાકિસ્તાન અમને કાશ્મીરનો અમારો હિસ્સો પાછો આપી દે તો હું આશ્વાસન આપું છું કે કાશ્મીરના મુદ્દાનો ઉકેલ આવી જશે.
