15 મહિના બાદ ‘કિંગ’ કોહલીના બેટથી બની સદી : કરિયરની 51મી ઈન્ટરનેશનલ સેન્ચુરી ફટકારી; પાકિસ્તાનને 6 વિકેટથી હરાવ્યું
૨૦૨૩ના વન-ડે વર્લ્ડકપમાં ન્યુઝીલેન્ડ સામે સદી બનાવ્યા બાદ કોહલીનું બેટ એકદમ શાંત થઈ ગયું હતું અને પાકિસ્તાન સામે ગર્જના કરી હતી. આ સાથે જ તે ૨૮૭ ઈનિંગમાં ૧૪૦૦૦ રન પૂર્ણ કરનારો ભારતનો પ્રથમ અને વિશ્વનો ત્રીજો બેટર બન્યો હતો. તેણે માત્ર ૨૮૭ ઈનિંગમાં આ ઉપલબ્ધી હાંસલ કરી હતી. કોહલીએ સચિન તેંડુલકરને પાછળ છોડ્યો હતો જેણે ૩૫૦ ઈનિંગમાં આ રેકોર્ડ બનાવ્યો હતો. કોહલીએ ૨૯૯ વન-ડેમાં ૧૫૮ કેચ પણ પૂર્ણ કયા હતા તો ૫૧મી વન-ડે સદી પણ પૂર્ણ કરી હતી.
કોહલીની પાકિસ્તાન સામે ત્રણ ટુર્નામેન્ટમાં સદી
ટીમ ઈન્ડિયાના સ્ટાર બેટર વિરાટ કોહલીએ વન-ડેમાં 51મી સેન્ચુરી ફટકારી છે. આ સાથે જ તેણે ઈન્ટરનેશનલ ક્રિકેટમાં 82મી સેન્ચુરી પૂરી કરી છે. ઉપરાંત ચેમ્પિયન્સ ટ્રોફીમાં તેની પહેલી સદી છે. ત્યારે હવે તેના નામે પાકિસ્તાન સામે ODI વર્લ્ડ કપ, ચેમ્પિયન્સ ટ્રોફી અને એશિયા કપમાં સેન્ચુરી ફટકારી છે.
કોહલીએ 111 બોલમાં 100 રનની ઇનિંગ રમી. તેણે ચોગ્ગા સાથે પોતાની 51મી ODI સદી પૂરી કરી.
ભારતની જીતના 2 હીરો…
વિરાટ કોહલી: 100 રનની ઇનિંગ રમી. વિરાટ કોહલીએ 111 બોલમાં 100 રનની ઇનિંગ રમી. રોહિત શર્મા આઉટ થયા પછી તે બેટિંગ કરવા આવ્યો અને ભારતીય ઇનિંગ્સને ચાલુ રાખી. વિરાટે અબરારની ઓવરો ધીરજથી રમી અને પછી ઝડપથી રન બનાવ્યા.
કુલદીપ યાદવ: 3 વિકેટ લીધી, ડેથ ઓવરોમાં બેટર્સને રન બનાવતા અટકાવ્યા. કુલદીપે 3 વિકેટ લીધી. તેણે ડેથ ઓવરોમાં સલમાન આગા, શાહીન આફ્રિદી અને નસીમ શાહની વિકેટ લીધી. આ કારણે પાકિસ્તાની ટીમ ડેથ ઓવરોમાં વધારે રન બનાવી શકી નહીં.
