મહાકુંભમાં સ્નાન કરતી મહિલાઓના ફોટા શેર કરનારાઓ સામે પગલાં

પુણ્યનાં સ્થળે પાપ કરનારાઓ સામે યુ.પી. પોલીસ આકરાંપાણીએ

પ્રયાગરાજ પોલીસે મહાકુંભમાં સ્નાન કરતે મહિલાઓના ચોરીછૂપે વીડિયો બનાવી ડાર્ક વેબ અને બીજા અન્ય સોશિયલ મીડિયા પ્લેટફોર્મ પર વેચવાનારા વિરૂદ્ધ આકરી કાર્યવાહી કરી છે. પોલીસે આ મામલે 13 એફ.આઇ.આર. નોંધી છે સાથે અનેક સોશિયલ મીડિયા હેન્ડલ વિરૂદ્ધ કડક પગલાં ભર્યા છે.

પ્યાગરાજ પોલીસના જણાવ્યા અનુસાર કેટલાક ઇન્સ્ટાગ્રામ એકાઉન્ટ્સ, ફેસબુક એકાઉન્ટ્સ અને ટેલીગ્રામ ચેનલ પર આવા વીડિયો અને ફોટા અપલોડ કર્યા હોવાની ફરિયાદો મળી હતી. પોલીસે જ્યારે તપાસ કરી તો જાણવા મળ્યું કે CCTV channel 11 નામની એક ટેલીગ્રામ ચેનલ પર કેટલાક વાંધાજનક ફોટાનો ટીઝર તરીકે ઉપયોગ કરવામાં આવ્યો છે. તેમાં કેટલાક ફોટા લગાવીને દાવો કરવામાં આવ્યો છે કે 1999 રૂપિયામાં આ ચેનલનું સબ્સક્રિપ્શન લેશો તો મહાકુંભમાં સ્નાન કરતી મહિલાઓના વીડિયો આપવામાં આવશે. આ પ્રકારના કેટલાક એકાઉન્ટ પોલીસને મળ્યા છે. પોલીસે સોશિયલ મીડિયા પ્લેટફોર્મ્સ પાસે આ એકાઉન્ટ વિશે માહિતી માંગી છે.

અત્યાર સુધીમાં ત્રણ કેસમાં FIR નોંધાઈ ચૂકી છે. પહેલો કેસ 17 ફેબ્રુઆરી, 2025નો છે, પ્રયાગરાજ પોલીસે Instagram એકાઉન્ટ (@neha1224872024) સામે કેસ નોંધ્યો હતો. આ એકાઉન્ટ પરથી કુંભમાં સ્નાન કરતી મહિલાઓના વાંધાજનક વીડિયો પોસ્ટ કરવામાં આવી રહ્યા હતા. પોલીસે મેટા પાસે એકાઉન્ટ ઓપરેટર વિશે માહિતી માંગી છે અને ટૂંક સમયમાં ધરપકડ થવાની શક્યતા છે. બીજો કેસ 19 ફેબ્રુઆરી 2025નો છે. પોલીસે એક ટેલિગ્રામ ચેનલ સામે કેસ નોંધ્યો હતો. આ ચેનલ તરફથી દાવો કરવામાં આવ્યો હતો કે મહિલાઓના સ્નાન કરવાના વાંધાજનક વીડિયો પૈસાના બદલામાં વેચવામાં આવશે. પોલીસે આ મામલાની તપાસ શરૂ કરી દીધી છે.

હવે પોલીસે 15 સોશિયલ મીડિયા એકાઉન્ટ્સ સામે કાર્યવાહી કરી છે જેમણે મહિલાઓના સ્નાન કરતા વાંધાજનક વીડિયો પોસ્ટ કર્યા હતા. પોલીસે કહ્યું કે અમે આવા સોશિયલ મીડિયા એકાઉન્ટ્સ પર સતત નજર રાખી રહ્યા છીએ. મહિલાઓના વાંધાજનક ફોટા અને વીડિયો શેર કરનારાઓ સામે કડક કાર્યવાહી કરવામાં આવી રહી છે. આવા ગુનાઓમાં સંડોવાયેલા લોકોની ઓળખ કરીને તેમને ટૂંક સમયમાં ધરપકડ કરવામાં આવશે.

બોક્સ

આ ૧૫ એકાઉન્ટ સામે FIR દાખલ

1- Girls Live Video (Facebook)
2- Desi Bhabi Ji (Facebook)
3- Rupola Rose (Facebook)
4- Dwivedi rasiya @dwivedirasiya4271 (Youtube)
5- Crush of Indians @CrushofIndians (Youtube)
6- Mahakumbh-2025 @pkumar334 (Youtube)
7- BABA KA VLOGEE Comedy @BABAKAVLOGEE440 (Youtube)
8- Blogger Aabha Devi @BloggerAabhaDevi077k (Youtube)
9- Roshan Desi Vlogs @roshandesivlogs4438 (Youtube)
10- Kapil Tv @Kapiltv1 (Youtube)
11- Mela Mahotsav @Mela-Mahotsav (Youtube)
12- Pushpa village vlog @pushpavillagvlog (Youtube)
13- Hindu Official 1.2M @hinduk7066 (Youtube)
14- Play Tube @PlayTube7325 (Youtube)
15- desi.rasiya.video @desi.rasiya.video (Instagram)