નડિયાદથી રાજકોટ લાવી હવસી ફુવાએ સગી ભત્રીજી પર આચર્યું દુષ્કર્મ !! સગીરાને ગર્ભ રહી જતાં ભાંડો ફૂટ્યો

નડિયાદના એક વિસ્તારમાં રહેતી સગીરાને તેના પિતા સમાન સગા ફુવાએ જ હવસનો શિકાર બનાવી છે. ફુઆએ ભત્રીજી પર શારીરિક અત્યાચાર ગુજાર્યો હતો અને તેને રાજકોટ લઇ જઈ તેની સાથે શરીરસંબંધ બાંધ્યો હતો. દરમિયાન સગીરાને ગર્ભ રહી ગયો હતો, જેથી સમગ્ર મામલો બહાર આવ્યો હતો.

આ મામલે પરિવારજનોએ સગીરાની પૂછપરછ કરતાં સમગ્ર કૃત્ય ફુઆએ જ કર્યું હોવાનું જણાવ્યું હતું, જે જાણી સગીરાના માવતરના પગ તળેથી જમીન સરકી ગઈ હતી. હાલ આ સમગ્ર મામલે પરિવારજનોએ નડિયાદ ટાઉન પોલીસ સ્ટેશન પહોંચી ફરિયાદ દાખલ કરાવી છે. બીજી બાજુ પોલીસ દ્વારા આરોપીને પકડી પાડવા ચક્રો ગતિમાન કર્યાં છે. આ કૃત્ય આચરનાર શખસ પોતે પાંચ સંતાનનો પિતા હોવાનું જાણવા મળ્યું છે.

આ બનાવ મામલે નડિયાદ ટાઉન પીઆઇએ જણાવ્યું હતું કે આ શ્રમિક પરિવાર છે, મજૂરી કરી ગુજરાન ચલાવે છે. મજૂરી દરમિયાન સગીરાને રાજકોટ ખાતે તેના ફુઆએ દુષ્કર્મ આચર્યું છે, જોકે સગીરાને ગર્ભ રહી ગયો હોવાથી મેડિકલ ટેસ્ટ કરવામાં આવ્યો હતો. બીજી બાજુ આ સમગ્ર ઘટના રાજકોટમાં બની હોવાથી આ ફરિયાદ ઝીરો નંબરથી ત્યાં ટ્રાન્સફર કરી છે.