બેંક કર્મચારીઓએ આપી 2 દિવસની દેશવ્યાપી હડતાળની ચીમકી
૨૪ અને ૨૫ ફેબ્રુઆરી બેંકો બંધ રહેશે : વિવિધ માંગણીને લઈને આપ્યું એલાન
બેંક અધિકારીઓના સંગઠન AIBOCએ ફેબ્રુઆરીમાં દેશવ્યાપી હડતાળનું આહ્વાન કર્યું છે. AIBOC એ બેંકોમાં અઠવાડિયામાં કામકાજના પાંચ દિવસ કરવા અને પર્યાપ્ત ભરતી સહિતની વિવિધ માંગણીઓને લઈને 24-25 ફેબ્રુઆરીના રોજ દેશવ્યાપી હડતાળ પર જવાની ધમકી આપી છે.
યુનિયને કામગીરીની સમીક્ષા અને PLI પર ડિપાર્ટમેન્ટ ઓફ ફાઇનાન્શિયલ સર્વિસિસ ની તાજેતરની સૂચનાઓને તાત્કાલિક પાછી ખેંચવાની માંગ કરી છે, જે નોકરીની સુરક્ષાને જોખમમાં મૂકે છે અને કર્મચારીઓમાં વિભાજન બનાવે છે. આ ઉપરાંત, જાહેર ક્ષેત્રની બેંકોમાં કર્મચારી/ઓફિસર ડાયરેક્ટરની જગ્યાઓ ભરવા અને IBA પાસે બાકી રહેલા પ્રશ્નોના નિરાકરણ પર પણ ભાર મૂકવામાં આવ્યો હતો.
ઓલ ઈન્ડિયા બેંક ઓફિસર્સ કોન્ફેડરેશનએ એક નિવેદનમાં જણાવ્યું હતું કે, એક્ઝિક્યુટિવ કમિટીએ બે દિવસીય દેશવ્યાપી હડતાળનો પ્રસ્તાવ મૂક્યો છે, જે સંભવતઃ ફેબ્રુઆરી 24-25, 2025 ના રોજ નક્કી કરવામાં આવી છે. એ ક્યાદી અનુસાર, જો જરૂર પડશે તો વધુ કડક પગલાં લેવામાં આવી શકે છે. આ મહિને હડતાળની સૂચના મળ્યા બાદ આંદોલનના કાર્યક્રમો શરૂ થશે.
યુનિયનનો આરોપ છે કે DFS દ્વારા નીતિ વિષયક બાબતોમાં સાર્વજનિક ક્ષેત્રમાં બેંકોના સૂક્ષ્મ સંચાલનથી સંબંધિત બોર્ડની સ્વાયત્તતા નબળી બનાવી રહ્યું છે.
શું છે માંગણીઓ?
યુનિયને બેંક કર્મચારીઓ માટે પાંચ દિવસના કામકાજના સપ્તાહની માંગણી કરી છે. આ ઉપરાંત બેંકોના તમામ કેડરમાં પર્યાપ્ત ભરતીની માંગ કરી છે.આ સિવાય કામગીરીની સમીક્ષા અને PLI પર ડિપાર્ટમેન્ટ ઓફ ફાઇનાન્શિયલ સર્વિસિસ (DFS) ની તાજેતરની સૂચનાઓને તાત્કાલિક પાછી ખેંચવાની માંગ કરી છે, જે નોકરીની સુરક્ષાને જોખમમાં મૂકે છે અને કર્મચારીઓ વચ્ચે વિભાજન કરે છે. યુનિયને જાહેર ક્ષેત્રની બેંકોમાં કર્મચારી/ઓફિસર ડાયરેક્ટરની જગ્યાઓ ભરવાની પણ માંગ કરી છે સાથોસાથ ઇન્ડિયન બેન્કિંગ એસોસિએશન પાસે બાકી રહેલા મુદ્દાઓનું નિરાકરણ માંગ્યું છે.
