દેશની સરકારી હોસ્પિટલોમાં શું સુવિધાઓ માટે સૂચનો થયા ? વાંચો
દેશની તમામ સરકારી હોસ્પિટલોને વધુ સુવિધાસભર બનાવવાને ગરીબ દર્દીઓને તમામ રોગના ટેસ્ટનો લાભ મળે અને ખાનગી હોસ્પિટલોમાં જવું ન પડે તે માટે તૈયારી થઈ રહી છે અને પ્લાન બની રહ્યો છે તેવા અહેવાલો બહાર આવ્યા છે. આઇસીએમઆર દવારા આવા સૂચનો કરાયા છે.
નવા હેલ્થ કેર પ્લાન મુજબ તમામ સરકારી હોસ્પિટલોમાં મેલેરિયા, ડાયાબિટીસ ટીબી, એચઆઈવી અને સિફિલિસ વગેરે તમામ રોગના ટેસ્ટ કરવાની જરૂર છે અને આ માટે આઇસીએમઆર દ્વારા નવો ડ્રાફ્ટ બની રહ્યો છે. જેને નેશનલ આવશ્યક નિદાન લિસ્ટ નામ આપાયું છે.
આ બધા જ પ્રકારના ટેસ્ટ બધી જ હોસ્પિટલોએ કરવા જ પડશે તે માટેની વ્યવસ્થા નિર્માણ કરવાની ભલામણ થઈ છે. માત્ર શહેરોમાં જ નહીં બલકે ગામડાઓમાં પણ આ સુવિધા ઉપલબ્ધ કરાવવા માટે સૂચન થયા છે. પ્રાથમિક અને સામૂહિક આરોગ્ય કેન્દ્રમાં પણ આ સુવિધા આપવાની યોજના દાખલ કરવી જરૂરી છે.
આઇસીએમઆર દ્વારા આ રીતે 9 પ્રકારના જરૂરી ટેસ્ટ બધી જ સરકારી હોસ્પિટલોમાં કરાવવા માટે સૂચન કરાયું છે. આ સુવિધા માટે હવે સરકાર કેવી રીતે આગળ વધે છે તે જોવાનું રહેશે. આવી હોસ્પિટલોમાં સામાન્ય રીતે ગરીબ દર્દીઓ જ આવતા હોય છે અને એમને ખાનગી હોસ્પિટલો પોસાતી નથી.
સંસ્થા દ્વારા જે ડ્રાફ્ટ બનાવવામાં આવ્યો છે તે જાહેર જનતા માટે પણ મૂકવામાં આવ્યો છે અને સૂચનો માંગવામાં આવ્યા છે. અત્યારે દેશની આવી ઘણી હોસ્પિટલો છે જ્યાં આવી કોઈ સુવિધા નથી.
