Nawazuddin Siddiqui ની ‘હડ્ડી’ Zee5 પર રિલીઝ થશે, સામે આવ્યું નવુ પોસ્ટર
અભિનેતા નવાઝુદ્દીન સિદ્દીકી ફરી એકવાર પડદા પર જોવા મળવાનો છે. હાલમાં જ તેની ફિલ્મ ટીકુ વેડ્સ શેરુ રીલિઝ થઈ હતી. આ ફિલ્મમાં તે ટીવી એક્ટ્રેસ અવનીત કૌર સાથે જોવા મળ્યો હતો. હવે તેની નવી ફિલ્મ ‘હડ્ડી’ નું પોસ્ટર રિલીઝ કરવામાં આવ્યું છે. તેને સોમવારે ફિલ્મ નિર્માતાઓ દ્વારા રિલીઝ કરવામાં આવી હતી.
નવાઝુદ્દીન સિદ્દીકીની ફિલ્મ “હડ્ડી” સિનેમાઘરોમાં નહીં પરંતુ OTT પ્લેટફોર્મ zee5 પર રિલીઝ થશે. દિગ્દર્શક અનુરાગ કશ્યપે તેની ઇન્સ્ટાગ્રામ પ્રોફાઇલ પર ફિલ્મ “હડ્ડી” નું નવું પોસ્ટર રિલીઝ કર્યું અને તેને કેપ્શન આપ્યું કે, ‘આ માટે ખૂબ જ ઉત્સાહિત છું. Zee5 પર હડ્ડી ટૂંક સમયમાં આવી રહી છે.’
નવાઝ ટ્રાન્સજેન્ડરના રોલમાં જોવા મળ્યો
નવા પોસ્ટરની વાત કરીએ તો, અભિનેતા નવાઝુદ્દીન સિદ્દીકી એક ટ્રાન્સજેન્ડરના પાત્રમાં સાડી પહેરીને ખુરશી પર બેસેલો જોવા મળે છે. તેમની પાછળ બીજા ઘણા ટ્રાન્સજેન્ડર જોવા મળે છે. તમને જણાવી દઈએ કે, નવાઝુદ્દીન સિદ્દીકી ફિલ્મ ‘હડ્ડી’માં ટ્રાન્સજેન્ડરનું પાત્ર ભજવી રહ્યો છે. ફિલ્મમાંથી અત્યાર સુધીમાં અભિનેતાના ત્રણથી ચાર લુક જાહેર કરવામાં આવ્યા છે અને હવે ચાહકો તેના નવા લુક પર પણ તેના વખાણ કરી રહ્યા છે.
રિલીઝ તારીખ જાહેર નથી કરાઈ
નવાઝુદ્દીન સિદ્દીકીની ફિલ્મ “હડ્ડી” OTT પ્લેટફોર્મ ZEE5 પર રિલીઝ થશે, પરંતુ તે ક્યારે રિલીઝ થશે તેનો ખુલાસો કરવામાં આવ્યો નથી. જણાવી દઈએ કે આ ફિલ્મને અક્ષત અજય શર્માએ ડિરેક્ટ કરી છે, જ્યારે તેને ઝી સ્ટુડિયો દ્વારા પ્રોડ્યુસ કરવામાં આવી છે.
