અંબાજી મંદિરને મળ્યુ 1.21 કરોડના સોનાનું ગુપ્ત દાન
લાખ્ખો લોકોની આસ્થાના પ્રતિક એવા અંબાજી મંદિરમાં દર્શનાર્થે આવતા ભાવિકો માતાજીના ચરણોમાં કાંઇક ને કાંઇક ભેટ ચડાવતા હોય છે પણ હમણાં બે ભક્તોએ અલગ અલગ રીતે 1.520 કિલો સોનાનું ગુપ્ત દાન આપ્યું છે. જેની કિંમત અંદાજે 1.21 કરોડ રૂપિયાથી વધુની છે.
અંબાજી મંદિરના અધિકૃત વર્તુળોએ કહ્યું હતું કે, બે અલગ-અલગ ભક્તો દ્વારા 1.520 ગ્રામ સોનુ ભેટ સ્વરૂપે અર્પણ કર્યું છે. એક ભક્ત દ્વારા 1 કિલો અને બીજા માઈભક્ત દ્વારા 520 ગ્રામ સોનાની ભેટ માતાના ચરણોમાં અર્પણ કરાઈ છે. દાનમાં મળેલા આ સોનાનો સુવર્ણ શિખર માટે ઉપયોગ કરાશે.’ સોનાનુ દાન કરનાર બંને દાતાઓએ પોતાનું નામ ગુપ્ત રાખ્યું છે.
