હવે Google Mapsમાંથી આંગળીના ટેરવે મળશે તમારા એરિયાની હવાની ગુણવત્તા વિશે માહિતી , જાણો નવા ફીચર વિશે

દેશની રાજધાની આ દિવસોમાં પ્રદૂષણની ઝપેટમાં છે. દિલ્હી સિવાય પણ અનેક જગ્યાઓન આંકડા દર્શાવવામાં આવતા હોય છે કે તમારા શહેરની હવાની ક્વોલિટી કેવી છે. ત્યારે હવે ભારતમાં ગૂગલ મેપ યુઝર્સ સ્થાનિક એર ક્વોલિટી ઈન્ડેક્સ (AQI) વિશે માહિતી મેળવી શકે છે. ટેક કંપની ગૂગલે બુધવારે આર્ટિફિશિયલ ઈન્ટેલિજન્સ (AI)થી સજ્જ અને ઈકોસિસ્ટમ આધારિત સોલ્યુશન ‘Air View+’ની જાહેરાત કરતી વખતે આ માહિતી આપી હતી

ગૂગલે કહ્યું કે એર વ્યૂ+, ગૂગલ મેપ્સ નાગરિકોને સ્થાનિક હવાની ગુણવત્તાની માહિતી આપીને પર્યાવરણીય દેખરેખ અને શહેરી આયોજન માટે જવાબદાર સરકારી એજન્સીઓને મૂલ્યવાન હવાની ગુણવત્તાની માહિતી પૂરી પાડે છે. કંપનીનું આ તાજેતરનું પગલું મહત્વનું છે કારણ કે તે જ સપ્તાહમાં દિલ્હીનો એર ક્વોલિટી ઈન્ડેક્સ (AQI) 491ની ઊંચી સપાટીએ પહોંચી ગયો હતો. આ પછી, સરકારે વાહનોની અવરજવર અને બાંધકામ પ્રવૃત્તિઓ પર અંકુશ મૂકવો પડ્યો અને શાળાઓએ ઑનલાઇન વર્ગો શરૂ કરવા પડ્યા છે.

સ્થાનિક હવાની ગુણવત્તા વિશે માહિતી આપશે

ગૂગલે એર વ્યૂ+ની જાહેરાત ગૂગલ મેપ્સ પ્લેટફોર્મ અને ગૂગલ અર્થના વાઇસ પ્રેસિડેન્ટ અને જનરલ મેનેજર અને ગૂગલ અર્થના વાઈસ પ્રેસિડેન્ટ અને જનરલ મેનેજર મિરિયમ ડેનિયલ દ્વારા લખેલા બ્લોગપોસ્ટમાં કરી હતી. એવું કહેવામાં આવ્યું હતું કે આ એક ઇકોસિસ્ટમ આધારિત સોલ્યુશન છે, જે સરકારી અધિકારીઓ અને લોકોને સ્થાનિક હવાની ગુણવત્તા સાથે સંબંધિત માહિતી આપીને તેમને સશક્ત બનાવશે.

Google મેપમાં મેન પેજ પરના ‘લેયર્સ’ બટનથી એર ક્વોલિટી સ્તર પર ક્લિક કરીને અને નકશા પર કોઈપણ સ્થાન પર આંગળી મૂકીને અથવા મેઇન પેજ પર ‘એક્સપ્લોર’ હવામાન સ્થાન પર ક્લિક કરીને તેમના વર્તમાન સ્થાન પર AQI માહિતી મેળવી શકે છે.