ઉદયનગરમાં ફ્લેટના ટેરેસની ચાવી બાબતે માતા-પુત્રી પર પાડોશીઓનો હુમલો
રાજકોટમાં મવડી પાસે ઉદયનગરમાં ફ્લેટમાં રહેતા માતા-પુત્રીને તેમની વિંગમાં રહેતા પાડોશીઓએ ફ્લેટના ટેરેસની ચાવી બાબતે ઝગડો કરી મારમારી ધમકીઓ આપતા પોલીસે ગુનો નોંધી કાર્યવાહી કરી છે. વધુ માહિતી મુજબ ઉદયનગર-1માં રહેતા દ્વારકેશ વીલા ફ્લટે બી-૨૦૧માં રહેતા શિલ્પાબેન રમેશભાઈ કુબાવતે નોંધાવેલઈ ફરિયાદમાં આરોપીમાં તેની વિંગમાં રહેતા જયેશ દિનેશભાઈ નીમાવત તેની માતા સવિતાબેન અને પત્ની તેજલબેન નીમાવતનું નામ આપતા જણાવ્યું હતું કે,પોતે રહેતા ફ્લેટના વિંગનું મેન્ટેનન્સ પોતે જોવે છે.અને ફ્લેટના ટેરેસમાં તાળું લગાડવામાં આવેલું હોય છે.જેની ચાવી પોતાના પાસે રાખેલી હોય છે.આરોપીઓને ટેરેસની ચાવી જરૂર હોવાથી ફરિયાદી સાથે ફોન પર ઝગડો થયો હતો.જેનો ખાર રાખીને આરોપીઓ મહિલાના ઘરે ઘસી આવ્યા હતા.જ્યાં શિલ્પાબેન અને તેની પુત્રીને ઢીકાપાટુનો માર મારી ઇજા પહોંચાડી મારી નાખવાની ધમકીઓ આપતા માલવિયા પોલીસે ગુનો નોંધી કાર્યવાહી કરી છે.
