પન્નુમ હત્યાના કાવતરા કેસમાં કોઈબાંધછોડ નહીં થાય:અમેરિકી રાજદૂત
અમેરિકા સ્થિત શીખ આતંકવાદી ગુરુપ્તવાન સિંઘ પન્નુમની એફબીઆઈ એ રો ના પૂર્વ અધિકારી વિકાસ યાદવને વોન્ટેડ જાહેર કર્યા બાદ એ મુદ્દે ભારતનું નાક દબાવવાનું અમેરિકાએ ચાલુ રાખ્યું છે. હજુ બે દિવસ પહેલા અમેરિકી સ્ટેટ ડિપાર્ટમેન્ટના ડેપ્યુટી સ્પોકપર્સન દેવાંગ પટેલે આ પ્રકરણમાં ભારતની કમિટી દ્વારા થતી તપાસથી સંતોષ ન હોવાનું નિવેદન આપ્યા બાદ ભારત ખાતેના અમેરિકી રાજદૂત એરિક ગાર્સેટીએ પણ આ ઘટના અત્યંત ગંભીર હોવાનું જણાવ્યું હતું.
એક અખબાર સાથેની મુલાકાતમાં તેમણે કહ્યું કે અમે અમેરિકાની ભૂમિ ઉપર કોઈ પણ પ્રકારનીગુનાહિત પ્રવૃત્તિ સાંખી શકતા નથી ચાહે તેમાં દુશ્મન રાષ્ટ્ર સામેલ હોય કે પછી મિત્ર રાષ્ટ્ર. તેમણે ઉમેર્યું કે કોઈપણ દેશનો બીજા કોઈ દેશ સાથેનો આ વ્યવહાર અમને પસંદ નથી પણ જ્યારે અમેરિકન નાગરિકની વાત આવે છે ત્યારે અમારા માટે આ રેડ લાઈન છે.
તેમણે વધુમાં જણાવ્યું કે તમે અમેરિકાની ભૂમિ ઉપર કે પછી બીજા કોઈ પણ દેશની ભૂમિ ઉપર કોઈની હત્યાનું ષડયંત્ર કરો તો તેને અપરાધ જ માનવામાં આવશે. તેમનું આ નિવેદન કેનેડામાં હરદીપ સિંઘ નીજ્જરની હત્યામાં ભારતની સંડોવણી અંગેના આક્ષેપો પ્રતિ નિર્દેશ કરતા હતા તેવું માનવામાં આવે છે.
એરિક ગાર્સેટીએ અંતમાં કહ્યું કે ભવિષ્યમાં આવી ઘટના નહીં બને તેવો વિશ્વાસ અપાવવાને બદલે જલ્દી કાર્યવાહી કરવામાં આવે તેવી અમેરિકા અપેક્ષા રાખે છે.
